Знайсці
02.10.2017 / 22:36РусŁacБел

Беларусы перасякуць Атлантычны акіян на спартыўнай яхце

Беларусы перасякуць Атлантычны акіян на спартыўнай яхце, паведамілі БЕЛТА ў Міжнародным яхтенном цэнтры ў Мінску.

«Пераход праз Атлантыку можна параўнаць з заваяваннем Эверэста. Кожны аматар ці прафесіянал паруснага руху ў нейкі момант прыходзіць да жадання пераадолець гэты бар'ер, паспрабаваць свае сілы. Многія выбіраюць простыя маршруты і на круізнай яхце адпраўляюцца ў доўгае падарожжа-адпачынак. Іншыя ўсё-такі арыентуюцца на сапраўдны пераход — рэгату або ралі. Сярод яхтсменаў, якія скарылі Атлантычны акіян, не так шмат жыхароў Беларусі. Каманда Атлантычнага ралі будзе складацца з грамадзян нашай краіны. Ідзе фарміраванне каманды», — распавялі ў цэнтры.

Пераход праз Атлантыку беларусы збіраюцца здзейсніць на хуткаснай спартыўнай яхце OZ IMOCA Open 60. Удзельнікі, якія вырашылі паспрабаваць свае сілы ў ралі, пройдуць 6 740 марскіх міль. Прафесійныя шкіперы будуць знаходзіцца на яхце пастаянна. Астатнія члены экіпажа, улічваючы складанасць маршруту, могуць скараціць колькасць дзён. Старт ралі будзе дадзены 5 лістапада. Першы пераход з Партугаліі (порт адпраўлення — Кашкайш) да выспы Тэнэрыфэ (порт прыбыцця — Санта-Крус) зойме чатыры дні. 11 лістапада пачнецца другі пераход да выспы Антыгуа. Завершыцца ралі ў французскім порце Лар'ян 23 снежня.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера