Наста Кудасава. Горыч прымi ўнутрывочна, але — палай…

* * *

Горыч прымi ўнутрывочна, але — палай.
Хай надрываецца, кволiцца кнот, але грэе.
Быць цi не быць — гэта толькi пытанне цяпла,
Толькi пытанне ўключанасцi батарэi.
Там, у адсеках нутра, дзе балiць i пячэ, —
Зрэшты, табе аднаму зразумелае пекла.
Быць цi не быць — гэта толькi пытанне вачэй,
Здольных аднойчы ўтрымаць на зямлi чалавека.

Наста Кудасава

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0