Намеснік міністра эканомікі распавёў, колькі тысяч патрабаванняў трэба выканаць для адкрыцця фірмы ЛІЧБЫ
Павел Уцюпін, фота Сяргея Гудзіліна
У Мінску 28-29 верасня праходзіць Беларускі інвестыцыйны форум, арганізаваны Міністэрствам эканомікі і Агенцтвам па інвестыцыях і прыватызацыі.
У першых прамовах беларускія чыноўнікі традыцыйна звярталі ўвагу гасцей на стратэгічнае становішча краіны, суседства з ЕС і Расіяй.
У прыватнасці, прагучалі абяцанні спрасціць заканадаўства ў сферы адкрыцця бізнеса, паляпшаць механізм вырашэння спрэчак інвестара і дзяржавы.
Як прыклад работы ў гэтым кірунку намеснік міністра эканомікі Павел Уцюпін прывёў лічбы санітарных, пажарных і ветэрынарных патрабаванняў, якія маюць выканаць бізнесоўцы пры адкрыцці бізнэсу ў Беларусі: гэта 586 пажарных патрабаванняў, 1100 санітарных, 2200 ветэрынарных.
З прыняццем новага дэкрэту аб спрашчэнні прадпрымальніцкай дзейнасці, сказаў чыноўнік, гэтыя патрабаванні маюць скараціцца да 58, 83 і 205 адпаведна.
