Віктар Лукашэнка і Рамзан Кадыраў ФОТАФАКТ
Падчас візіту ў Беларусь кіраўнік Чачні Рамзан Кадыраў меў сустрэчы з прэзідэнтам Беларусі Аляксандрам Лукашэнкам, прэм’ер-міністрам Андрэем Кабяковым, наведаў Мінскі аўтамабільны завод, а таксама сустрэўся з каўказскай дыяспарай Беларусі.
Яшчэ адну сустрэчу Рамзан правёў з памочнікам Лукашэнкі па пытаннях беспекі, старэйшым сынам кіраўніка Беларусі Віктарам Лукашэнкам.
«Рэгіён Расіі — Чачня — з'яўляецца адзінай тэрыторыяй у свеце, дзе цалкам пераможаны тэрарызм, — напісаў Кадыраў. — Мы з Віктарам Аляксандравічам абмеркавалі магчымыя механізмы ўзаемадзеяння ў шэрагу кірункаў і знайшлі поўнае паразуменне».
«Мы з Віктарам Аляксандравічам даўно ўжо з'яўляемся сапраўднымі сябрамі, паміж якімі склаліся праўдзіва брацкія адносіны! Я гэта цаніў і цаню! Дзверы Чачні і майго дома заўсёды адкрытыя для Віктара Аляксандравіча!» — скончыў пост Кадыраў.
Рамзан Кадыраў — сын Ахмата Кадырава, які ўзначальваў Чачню ад 2000 да 2004 гадоў, да забойства. У 2007 годзе Чачню ўзначаліў Рамзан Кадыраў.