Знайсці
24.09.2017 / 16:1810РусŁacБел

Былы прэзідэнт Ісландыі распавёў, у чым бачыць патэнцыял Беларусі

Пяты прэзыдэнт Ісьляндыі Оўлявюр Рагнар Грымсан адказаў на пытаньне беларускага журналіста, што рабіць краінам без багатых залежаў карысных выкапняў.

Адказваючы на пытаньне Юрыя Казіяткі пра магчымыя кропкі судакрананьня Беларусі і Ісьляндыі, крыніцах павышэньня ўзроўню жыцьця насельніцтва, экс-прэзыдэнт Ісьляндыі падкрэсьліў, што бачыць пэрспэктыву ў выкарыстаньні творчых сілаў моладзі.

«Гэта галоўная крыніца энэргіі, якой мы валодаем, трэба толькі даць магчымасьць моладзі ствараць новыя прадпрыемствы», — сказаў Оўлявюр Грымсан.

Ён дадаў, што магутнымі генэратарамі для стварэньня добрай будучыні павінны стаць унівэрсытэты, якія працуюць у духу XXI стагодзьдзя.

«І я мяркую, што адзін з аспэктаў, які Беларусі цікавы ў Ісьляндыі, якім чынам такі маленькі народ, закінуты ў Атлянтычным акіяне, са складанымі камунікацыямі са зьнешнім сьветам (паколькі выехаць з Ісьляндыі ў іншыя краіны значна складаней, чым зь Беларусі) за 30 −40 гадоў выйшаў у першы шэраг у многіх сфэрах? Акрамя чыстай энэргіі сакрэт у тым, што асобным людзям, групам моладзі даецца магчымасьць выкарыстоўваць свае магчымасьці для стварэньня новых прадуктаў, якія ў адносна кароткі час могуць атрымаць распаўсюджваньне ва ўсім сьвеце» — сказаў Грымсан.

Оўлявюр Рагнар Грымсан займаў пасаду прэзыдэнта Ісьляндыі ад 1996 па 2016 год.

Радыё Свабода

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера