Знайсці
23.09.2017 / 15:1814РусŁacБел

Ад 2330 да 3890 рублёў: якія цэны на новыя айфоны прапануюць беларускія крамы?

12 верасня кампанія Apple прадставіла свету адразу тры новыя смартфоны: iPhone 8, яго павялічаную версію iPhone 8 Plus, а таксама амаль бязрамачны iPhone X. Цэны на гэтыя прылады ў Беларусі па традыцыі вышэйшыя за тыя, што абвяшчаў прадстаўнік кампаніі падчас прэзентацыі. Але наколькі вышэйшыя? Засцерагаем адразу: вы будзеце моцна здзіўленыя. 

iPhone 8

iPhone 8 і iPhone 8 Plus

На амерыканскім сайце Apple гэты смартфон ў самай таннай камплектацыі з аб'ёмам памяці 64 Гб каштуе $699 (каля 1360 рублёў). Беларускія ж каталогі паказваюць неверагодную разбежку цэн: ад 1950 да 3190 рублёў! Але гэта яшчэ не самае дзіўнае. Рухаемся далей.

iPhone 8 Plus

Цэны на гэты гаджэт з той жа памяццю 64 Гб у Амерыцы пачынаюцца ад $799 (каля 1550 рублёў). Разбежка беларускіх цэн на iPhone 8 Plus такая: самыя шчодрыя прадаўцы прапануюць купіць яго за 2330 рублёў, а самая дарагая прапанова — 3890 рублёў ($2000).

Такім чынам, па самым высокім кошце гэтага смартфона ў Беларусі ў ЗША можна купіць два такіх, і яшчэ застануцца грошы на iPhone SE ($349), які Apple прэзентавала летась, а таксама на шмат розных аксесуараў.

iPhone X

Гэты смартфон, прэзентаваны кампаніяй як нешта зусім неверагоднае, шакуе нават сваім амерыканскім коштам ($999 без уліку падатку). Продажы iPhone X яшчэ не пачаліся, але ўжо стала вядома, што самыя вялікія афіцыйныя цэны будуць у Расіі. Страшна нават уявіць, колькі будуць прасіць за яго беларускія перакупшчыкі. Але варта ўзгадаць, што менавіта попыт выклікае прапанову…

Сусветныя цэны на iPhone X (з улікам ПДВ): ад $1018 у Японіі да $1390 у Расіі.

Ілья Параскевіч

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031