Іран правёў выпрабаванні новай ракеты насуперак санкцыям ЗША
Тэгеран заявіў, што правёў паспяховыя выпрабаванні новай балістычнай ракеты сярэдняга радыусу дзеяння. Гэта было зроблена насуперак санкцыям ЗША і крытыцы з боку прэзідэнта Дональда Трампа, паведамляе ВВС.
Ракета «Харэмшэхр» была ўпершыню прадэманстраваная ў Тэгеране ў пятніцу, падчас ваеннага параду. Фота ЕРА
Запуск ракеты «Харэмшэхр», якая мае радыус дзеяння ў 2 тысячы км, быў паказаны па дзяржаўных тэлеканалах. Аднак застаецца незразумелым, калі менавіта ён быў зроблены.
Выступаючы на Генеральнай асамблеі ААН у аўторак на гэтым тыдні, Дональд Трамп раксрытыкаваў ракетную праграму Ірана і ядзерную ўгоду з Тэгеранам, складзеную ў 2015 годзе пры прэзідэнце Абаме.
У пятніцу прэзідэнт Хасан Рухані заявіў, што Іран павялічыць свой абарончы патэнцыял «у якасці стрымлівальнай меры».
У студзені гэтага года, пасля выпрабавання Тэгеранам новых іранскіх балістычных ракет, ЗША ўвялі новыя санкцыі ў дачыненні да Ірана.
