Знайсці
22.09.2017 / 18:50РусŁacБел

«Абмен кампліментамі»: Трамп назваў Кім Чэн Ына вар'ятам

Прэзідэнт ЗША Дональд Трамп назваў кіраўніка Паўночнай Карэі Кім Чэн Ына вар'ятам, якому няма справы да пакутаў свайго народа, піша ВВС.

Раней лідар КНДР заявіў у звароце па дзяржаўным тэлебачанні, што прамова Трампа ў Генасамблеі ААН уяўляла з сябе «шызафрэнічны прыпадак».

«Звар'яцелага амерыканскага дзядка абавязкова, напэўна буду ўтаймоўваць агнём!» — адзначыў у сваёй прамове Кім.

«Кім Чэн Ын з Паўночнай Карэі — відавочна, вар'ят, якому няма справы да голаду і забойстваў свайго народа — зведае такое выпрабаванне, якога яшчэ не было!» — напісаў Трамп у твітары ў адказ на гэтыя каментары.

Сварка паміж двума лідарамі ўжо прыцягнула ўвагу Кітая. Прадстаўнік МЗС КНР Лу Канг заклікаў усе бакі «праявіць стрыманасць, а не правакаваць адзін аднаго».

«Заявы і паводзіны Паўночнай Карэі ўяўляюць небяспеку для рэгіянальнай і міжнароднай бяспекі, і яны абсалютна недапушчальныя», — заявіў галоўны сакратар кабінета міністраў Японіі Ёсіхідэ Суга.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера