У Баранавіцкім раёне некалькі разоў перакуліўся «Сітраэн», кіроўцу прыціснула аўтамабілем
Аварыя адбылася 21 верасня каля 15:30 Н-323 «Палонка — Альбінкі — Ціўнцы».
33-гадовы жыхар Баранавічаў на «Сітраене ZX», рухаўся ў напрамку в. Сасновая. На першым кіламетры, на закругленні дарогі ўлева кіроўца не абраў бяспечную хуткасць, з'ехаў у левы кювет і перакуліўся.
У выніку яго прыціснула аўто і ён памёр на месцы здарэння. Устаноўлена, што мужчына не быў прышпілены рамянём бяспекі, а прышпілены пасажыр траўмаў не атрымаў.
высветлілася, што загінулы раней неаднаразова затрымліваўся інспектарамі ДАІ за кіраванне аўтамабілем у стане алкагольнага ап'янення і прыцягваўся да адміністрацыйнай і крымінальнай адказнасці, у тым ліку некалькі разоў па арт. 3171 і арт. 417 КК Рэспублікі Беларусь. Да мая 2022 года ён быў пазбаўлены права кіравання транспартным сродкам.
