Улады Іспаніі распачалі арышты, каб сарваць рэферэндум у Каталоніі
Грамадзянская гвардыя Іспаніі правяла спецаперацыю ў Каталоніі, скіраваную на зрыў рэферэндуму аб незалежнасці. Паліцыянты шукалі падрыхтаваныя для рэферэндуму бюлетэні.
Паліцыянты затрымалі шэраг чыноўнікаў, у тым ліку намесніка віцэ-старшыні каталонскага Жэнералітата (урада) Жузэпа-Марыю Жовэ. Усяго затрымана 16 асобаў.
У будынку ўрада і іншых установах прайшлі ператрусы.
Каталонская паліцыя супраціву не аказвала. Але некалькі тысяч дэманстрантаў выйшлі на вуліцы Барселоны ды іншых каталонскіх гарадоў. Кіраўнік Каталоніі Карлес Пучдэмон склікаў экстраннае пасяджэнне выканаўчага камітэта ўрада.
Улады Каталоніі прызначылі «рэферэндум аб незалежнасці» на 1 кастрычніка. Цэнтральныя ўлады яго прызналі незаконным.
Наступныя 10 дзён будуць вырашальнымі для Каталоніі.
Апытанка
