У Мінску на пераходзе легкавік збіў 10-гадовае дзіця

У Мінску аўтамабіль збіў на нерэгуляваным пешаходным пераходзе дзіця, паведамляе Tut.by са спасылкай на ДАІ ГУУС Мінгарвыканкама.

Аварыя адбылася днём 19 верасня. Паводле папярэдняй інфармацыі, 66-гадовы кіроўца Chrysler ехаў па вуліцы Несцерава з боку вуліцы Герасіменкі ў кірунку вуліцы Ангарскай у першай паласе. У гэты час у суседняй паласе перад пешаходным пераходам спыніўся аўтамабіль, каб прапусціць пешахода. Мужчына не звярнуў на гэта ўвагі і ўчыніў наезд на 10-гадовую дзяўчынку.

У выніку ДТЗ тая атрымала траўмы рознай ступені цяжкасці і была дастаўленая ў бальніцу.

0

0

0

0

0

0