Замест Google Drive з'явіцца Google Backup and Sync
Google Drive і Google Photos пачнуць знікаць з 11 снежня гэтага года, і з сакавіка 2018 іх не стане, паведамляе блог кампаніі. Іх заменіць адзіны app Google Backup and Sync.
Асноўная яго адрозненне і перавага — на ім можна будзе трымаць адначасова і тэкставыя файлы, і фота. Ён будзе арыентаваны на прыватных карыстальнікаў. У той жа час прадпрыемствы, камерцыйных кліентаў перавядуць на Drive File Stream.
Таму Google рэкамендуе звычайным карыстальнікам усталяваць новы дадатак, калі прыйдзе апавяшчэнне, а карпаратыўным — пакуль застацца з існуючым дадаткам Drive.
Для шараговага карыстальніка мала што зменіцца. Але некаторыя перамены ўсё ж чакаюцца.
Цяпер, акрамя файлаў у тэчцы Drive, Google зможа выконваць рэзервовае капіраванне ў любой тэчцы, на якую пакажа карыстальнік. Гэта можа быць у тым ліку працоўны стол, дакументы, відэа і іншыя тэчкі.
Асноўная ж задача навінкі складаецца ў рэзервовым капіраванні і сінхранізацыі асабістых дадзеных. Мяркуецца, што карыстальнік зможа скапіраваць у воблака не толькі асобна ўзятую тэчку, але і цэлы лакальны дыск.
Будуць дададзеныя некаторыя функцыі і для прадпрыемстваў.
Можна будзе трансляваць файлы па запыце, атрымліваць доступ да камандных дыскаў Team Drives (налады можна будзе мяняць на ўзроўні сістэмнага адміністратара), сінхранізаваць асобныя файлы (Backup і Sync сінхранізуюць толькі тэчкі цалкам).
У кастрычніку карыстальнікі Google Drive пачнуць атрымліваць папярэджанні на працоўным стале пра неабходнасць перанесці свае файлы.
