Знайсці
18.09.2017 / 18:405РусŁacБел

Каля станцыі Баранавічы-Цэнтральныя пуцявой машынай юнаку адрэзала ногі

Пуцявой машынай юнаку адрэзала ногі каля станцыі Баранавічы-Цэнтральныя, паведаміў БЕЛТА афіцыйны прадстаўнік УУС Брэсцкага аблвыканкама Сяргей Дучэнка.

Няшчасны выпадак адбыўся сёння прыкладна ў 14.12. Жыхар аграгарадка Лясная Баранавіцкага раёна 1999 года нараджэння быў цяжка траўмаваны пуцявой машынай у складзе цеплавоза і дзвюх платформаў. Паводле папярэдняй інфармацыі, малады чалавек быў у навушніках і не пачуў набліжэння спецсаставу. У выніку сутыкнення хлопцу адрэзала абедзве нагі і чатыры пальцы правай рукі. Таксама ў яго дыягнаставаная закрытая чэрапна-мазгавая траўма.

У цяперашні час на месцы здарэння працягвае працаваць следча-аператыўная група.

Юнак вучыцца на трэцім курсе Мінскага дзяржаўнага прафесійна-тэхнічнага каледжа чыгуначнага транспарту.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера