Удава вакаліста Linkin Park паказала ВІДЭА, знятае за 36 гадзін да яго смерці
«Я пакажу вам гэта для разумення, што ў дэпрэсіі няма твару або настрою».
Удава вакаліста гурта Linkin Park Чэстэра Бенінгтана Талінда размясціла ў сваім твітары кароткі відэаролік, зроблены за 36 гадзін да смерці музыкі, паведамляе Birdinflight.
My next tweet is the most personal tweet I have ever done. I'm showing this so that you know that depression doesn't have a face or a mood.
«Наступны твіт будзе самым асабістым, які я толькі пісала. Я пакажу вам гэта для разумення, што ў дэпрэсіі няма твару або настрою».
This is what depression looked like to us just 36 hrs b4 his death. He loved us SO much & we loved him. #fuckdepression#MakeChesterProudpic.twitter.com/VW44eOER4k
«Так выглядала дэпрэсія за 36 гадзін да яго смерці. Ён вельмі любіў нас, а мы любілі яго».
Нагадаем, яго знайшлі павешаным у прыватнай рэзідэнцыі ў Палас Вердэс Эстэйтс, штат Каліфорнія, 20 ліпеня. Яму быў усяго 41 год. У Чэстэрау засталіся жонка і шасцёра дзяцей. На працягу некалькіх гадоў Чэстэр пакутаваў на алкагольную і наркатычную залежнасць, а таксама дэпрэсію. Ён блізка сябраваў з музыкам Крысам Корнелам, які скончыў жыццё самагубствам у маі гэтага года. У той дзень Чэстэр прысвяціў яму адкрыты ліст.