Знайсці
13.09.2017 / 18:03РусŁacБел

Майстроўню дакументальных фільмаў «15 хвілін: Беларусь!» правядуць выкладчыкі славутай кінашколы ў Лодзі

Stowarzyszenie Młodych Twórców — «Ku Teatrowi» і медыяпраект «PARTisan» запрашаюць на III Майстроўню кароткаметражных дакументальных фільмаў «15 хвілін: Беларусь!»

03.10.2017 - 07.10.2017

Праграма Майстроўні складаецца з двух частак:

🎥 03.10.2017 і 04.10.2017 - публічныя прэзентацыі № 33 альманаха «pARTisan», прысвечанага польскаму дакументальнаму кіно; а таксама беларускага выдання падручніка «Дапаможнік кінадакументаліста» аўтарства прафесаркі Гражыны Кэндзеляўскай.

🎥 05.10.2017 - 07.10.2017 - закрыты варштат выкладчыкаў Польскай вышэйшай кінашколы ў Лодзі - прафесаркі Гражыны Кэндзеляўскай і Славаміра Кальвінка.

У межах варштата 12 аўтараў(-ак) змогуць прэзентаваць і распрацаваць свае кінапраекты, абмеркаваць і адшукаць магчымасці іх вытворчасці. Колькасць удзельнікаў абмежаваная.

«Асабліва нас цікавяць праекты кароткаметражных дакументальных аўтарскіх фільмаў-расповедаў, працягласцю ад 5 да 15 хвілін, якія можна прэзентаваць як на фестывалях, так і ў інтэрнэце, - распавядае каардынатарка праекта Іаланта Кільян. - Мы шукаем прапановы для фільмаў, якія апісвалі б герояў і з’явы з Беларусі, з найбліжэйшага атачэння рэжысёра, калі камера можа здымаць жыццё зблізку або калі рэжысёр здымае важную падзею.»

Для ўдзелу ў III Майстроўні кароткаметражных дакументальных фільмаў «15 хвілін: Беларусь!» неабходна:

1. Зайсці на сайт www.15minutesbelarus.net.

2. Спампаваць і запоўніць анкету.

Па-беларуску/руску, па магчымасці таксама па-польску/англійску. Старонка 1 (інфармацыйная) і сінопсіс (паўстаронкі) - абавязковыя для запаўнення. Дадатковыя матэрыялы (трэйлеры, прэзентацыі ды інш.) вітаюцца: чым больш інфармацыі, тым большая магчымасць развіцця праекту і прадстаўлення яго спонсарам.

3. Запоўненую анкету і ўсе дадатковыя матэрыялы даслаць да 10.09.2017 на адрас [email protected].

Уваходны квіток - прачытаны «Дапаможнік кінадакументаліста», лінк на які вы атрымаеце ў адказ на заяўку.

Усе падзеі III Майстроўні кароткаметражных дакументальных фільмаў пройдуць у Press Club Belarus (г. Мінск, вул. Веры Харужай 3, офіс 601).

Кантакты:

[email protected]
[email protected]
+375447424832

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера