Знайсці
07.09.2017 / 18:1042РусŁacБел

Украінец, які знік у Беларусі, знайшоўся ў СІЗА Краснадара

Украінец Павел Грыб — інвалід з дзяцінства і пры гэтым нацыянальны актывіст.

Зніклы 24 жніўня ў Беларусі 19-гадовы грамадзянін Украіны Павел Грыб знаходзіцца ў следчым ізалятары горада Краснадар (Расія). Яго абвінавачваюць у падрыхтоўцы тэрарыстычных актаў. Пра гэта паведаміў украінскім СМІ начальнік упраўлення консульскага забеспячэння МЗС Украіны.

Супрацоўнік Дзяржаўнай памежнай службы Украіны Ігар Грыб 27 жніўня паведаміў аб знікненні свайго сына, 19-гадовага Паўла. Ён выказаў здагадку, што расійскія спецслужбы з дапамогай 17-гадовай дзяўчыны выцягнулі ягонага сына ў Гомель і там затрымалі.

Беларускія памежнікі пацвердзілі факт перасячэння 19-гадовым украінцам Паўлам Грыбам дзяржаўнай мяжы 24 жніўня. У той жа час беларускі КДБ заявіў, што ніякіх супольных з ФСБ аперацый па Грыбу не праводзілася.

Украінская пракуратура завяла справу ў сувязі са знікненнем хлопца.

7 верасня прэс-сакратар беларускага Міністэрства замежных спраў паведаміў, што па заяве бацькі Паўла Грыба пасля правядзення праверкі можа быць прынятае або не прынятае рашэнне аб адкрыцці крымінальнай справы і ў Беларусі.

СГ

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера