Азаранка афіцыйна знялася з US Open
Reuters.com
Вікторыя Азаранка афіцыйна заявіла аб зняцці з адкрытага чэмпіянату ЗША па тэнісе.
- З сумам паведамляю, што не змагу прыняць удзел на US Open у сувязі з сітуацыяй, якая склалася ў маёй сям'і. Цяпер я вымушана займацца вырашэннем праблем. Буду вельмі моцна сумаваць па Нью-Ёрку і па адным з маіх самых любімых турніраў, на якім я перажыла лепшыя моманты сваёй кар'еры. З нецярпеннем чакаю свайго вяртання сюды ў наступным годзе, - прыводзіць словы Вікторыі Азаранкі афіцыйны сайт US Open.
Месца Вікторыі Азаранкі ў асноўнай сетцы зойме японка Міса Эгучы.
Вікторыя Азаранка 10 разоў выступала на адкрытым чэмпіянаце ЗША, яе найлепшымі дасягненнямі тут з'яўляюцца два выхады ў фінал (2012, 2013 года), дзе яна прайграла Серэне Уільямс, піша Tut.by.
