Фэст «Яблычны Спас» на радзіме Івана Сікоры

У вёсцы Алашкі (Шаркаўшчынскі раён) на радзіме вядомага садавода Івана Сікоры прайшоў традыцыйны ўжо фэст «Яблычны Спас». Фэст сабраў некалькі соцен чалавек. Яго наведалі і замежныя госці з Расіі і Латвіі.

У часе фэсту святары дабраславілі яблыкі. Усе прысутныя маглі паслухаць канцэрт, арганізаваны мясцовай самадзейнасцю, паўдзельнічаць у спаборніцтвах, набыць сувеніры ў народных майстроў і, вядома ж, пачаставацца яблыкамі Сікоравых сартоў.

Іван Сікора (1885—1966) — селекцыянер-аматар, заслужаны аграном БССР. Вывеў пяцьсот гатункаў яблыні, сто гатункаў ігруш, а таксама гатункі сліваў, бэзу, ружаў.

Андрэй Бука, фота аўтара

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0