Даслаць навіну
Знайсці
18.08.2017 / 15:51 13

Затрыманы мужчына, які ўдарыў незнаёмага нажом у цэнтры Мінска

Аператыўнікі ўпраўлення крымінальнага вышуку ГУУС Мінгарвыканкама і Цэнтральнага РУУС сталіцы затрымалі мужчыну, якога пару дзён таму менская міліцыя шукала за ўчыненне цяжкага злачынства, паведамляе прэс-служба ГУУС Мінгарвыканкама.

Падазраваны, 1981 года нараджэння, нідзе не працуе, раней неаднаразова судзімы за хуліганства, крадзяжы, рабаванні, незаконны зварот наркотыкаў.

Паводле інфармацыі аператыўных супрацоўнікаў, 15 жніўня, позна ўвечары каля дома №3 па вул. Леніна, ён беспадстаўна ўдарыў незнаёмага чалавека нажом у шыю. Пацярпелага ўдалося выратаваць — ён у бальніцы.

Зламыснік некаторы час хадзіў каля месца злачынства, потым на таксі з'ехаў на здымнае жыллё.

Міліцыянты, каб адшукаць яго, адсочвалі запісы камер відэаназірання і апытвалі сведкаў. Тым часам у міліцыю звярнуліся грамадзяне, якія ўбачылі ў СМІ інфармацыю аб вышуку падазраванага. Туды адразу ж выехалі аператыўнікі. Мужчына знаходзіўся дома, дзе і быў затрыманы.

У міліцыі ён распавёў, што напярэдадні пасварыўся са сваёй дзяўчынай і выпіў занадта шмат алкаголю. Канкрэтную прычыну агрэсіўных паводзінаў у дачыненні да незнаёмага патлумачыць не можа, аднак сваёй віны не адмаўляе.

Распачатая крымінальная справа за замах на забойства. 

0
Кнехт / адказаць
18.08.2017 / 21:52
Такога трэба прысудзіць на пажыццёвае турэмнае пакаранне. Бо парэзаны ім чалавек не загінуў толькі выпадкова, а дзеянне (удар нажом) было здейснена свядома.
0
Гаргона / адказаць
18.08.2017 / 22:20
Гэта пачвара заслугоўвае пажыццёвага зняволяння!
0
MyDaDyr777 / адказаць
19.08.2017 / 09:03
Чалавек, які свае паводзіны ніяк не кантралюе. Турма, ці псіхбальніца пажыццёва.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Калі ласка, актывуйце JavaScript у наладах свайго браўзера, каб узяць удзел у апытанні
Загружаецца...
Каб скарыстацца календаром, калі ласка, актывуйце JavaScript у наладах свайго браўзера
2016 2017 2018
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30