Даслаць навіну
Знайсці
18.08.2017 / 13:40 10

Доктар-педафіл з Мінска асуджаны на восем гадоў пазбаўлення волі

Судом Партызанскага раёна Мінска да васьмі гадоў пазбаўлення волі за ўчыненне гвалтоўных дзеянняў сэксуальнага характару ў дачыненні да малалетніх прысуджаны доктар-анестэзіёлаг-рэаніматолаг Рэспубліканскага навукова-практычнага цэнтра дзіцячай анкалогіі, гематалогіі і імуналогіі.

Супрацоўнікамі Галоўнага ўпраўлення па наркакантролі і супрацьдзеянні гандлю людзьмі крымінальнай міліцыі МУС Рэспублікі Беларусь устаноўлена, што з 2012 па 2015 гады ад дзеянняў педафіла пацярпелі восем хлопчыкаў.

Супрацьпраўныя дзеянні доктар здзяйсняў пры суправаджэнні групы дзяцей, якія перанеслі анкалагічныя захворванні, у Італію і Нямеччыну.

Паездкі арганізоўваліся з мэтай аздараўлення адным з беларускіх грамадскіх аб'яднанняў. Акрамя таго, злачынствы ўчыняліся не толькі на тэрыторыі замежных дзяржаў, куды доктар выязджаў з падапечнымі, але і ў Беларусі.

Дзеянні мужчыны не насілі ярка выяўленага сэксуальна-гвалтоўнага характару, фізічны гвалт практычна не ўжываўся, а душылася воля пацярпелых. У асноўным доктарам выкарыстоўвалася бездапаможны стан дзяцей у сілу іх псіхічнага развіцця і індывідуальна-псіхалагічных асаблівасцяў.

Нягледзячы на шэраг складанасцяў, якія ўзніклі пры зборы доказнай базы, псіхалагічныя аспекты, а таксама даўнасць падзей, аператыўнікам ГУНіПГЛ МУС у цесным узаемадзеянні з калегамі са Следчага камітэта ўдалося задакументаваць і атрымаць вычарпальныя доказы віны доктара ў здзяйсненні асабліва цяжкіх злачынстваў, прадугледжаных ч. 3 арт. 167 КК Рэспублікі Беларусь. Яму прызначана пакаранне ў выглядзе 8 гадоў пазбаўлення волі, бо гэта максімальны тэрмін пакарання за гэтыя ўчынкі, прадугледжаны ў Італіі і Германіі. У адпаведнасці з беларускім заканадаўствам злачынцу не можа быць прызначана пакаранне, больш суровае, чым тое, якое прадугледжана ў тых краінах, дзе было здзейснена злачынства.

mvd.gov.by

7
136 / адказаць
18.08.2017 / 19:22
Чушь какая,- но он же и в РБ занимался этим да,видимо,и с использованием средств для наркоза...
4
хмарка / адказаць
18.08.2017 / 20:02
Инна, что за бред інна 
0
Стас / адказаць
20.08.2017 / 12:23
Ох i несалодка яму там прыйдзецца
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Калі ласка, актывуйце JavaScript у наладах свайго браўзера, каб узяць удзел у апытанні
Загружаецца...
Каб скарыстацца календаром, калі ласка, актывуйце JavaScript у наладах свайго браўзера
2016 2017 2018
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30