Знайсці
13.08.2017 / 20:1918РусŁacБел

Арыгінальны спосаб барацьбы са скаржніцай вынайшлі ў Глыбокім

Завітаў да аўтара адзін знаёмы, назавём яго — Аляксандр. Цэлыя два 5-павярховыя дамы не могуць даць рады адной жанчыне! — кажа ён. Яна толькі тым і займаецца, што за ўсімі сочыць, і піша, піша скаргі ў райвыканкам.

На маю жонку, таксама, накатала заяву, што неяк не так прыпаркавала аўта. А са скаргамі мусяць разбірацца кампетэнтныя органы! Дастала ўсіх! А тут, яшчэ ў дадатак, купіла фотаапарат! Селі дзве бабкі ля дома на лаўцы пад бэзам — «Кагор» папіваюць… Унучка ж нарадзілася! Дык гэтая скаржніца і іх зафотала.

Вось і вырашылі два дамы — у адным з якіх і я жыву — супольна грамадой адпомсціць напісанту скаргаў. Сёння, у двары паміж двума дамамі, наўпрост пад яе вокнамі, ладзіцца канцэрт з гукаўзмацняльнай апаратурай і запрошанымі артыстамі, ды масавай прысутнасцю народу!

Свята, якое зладзілі для сябе будаўнікі, жыхары дамоў №№129-А і 135 па вул. Леніна ў Глыбокім.

Пэўна, здагадваюся, аб якой жанчыне ідзе размова,— кажа аўтар. — Памятаю, пару гадоў таму, адна бландынка прарывалася ў райвыканкам. А дзяжурны міліцыянт — не рукамі, а жыватом — выпіхваў яе з дзвярнога праёма. Відавочна і «мэрыю», таксама дастала.

Ладна, пра скаржніцу можаш і не пісаць,— працягвае Аляксандр. — Напішы, што два дамы вырашылі адсвяткаваць Дзень будаўніка.

Гэтыя дамы — вул. Леніна, №№ 129-А і 135 — пабудаваныя пад 40 гадоў таму Глыбоцкай ПМК-41 для сваіх працаўнікоў. Нават і мяне, як жыхара дома, падвязалі да арганізацыі гэтага свята.

Натуральна, аўтар наведаў мерапрыемства, якое праводзілася ў двары паміж двума згаданымі вышэй дамамі, што размешчаныя ў мікрараёне Глыбоцкага малочна-кансервавага камбіната.

Валянціна Шымко спявае: «Мы першы бакал уздымаем па праву За Белую Русь, на нашу Дзяржаву, За славу яе, за гордую славу…»

Не ведаю, як там скаржніцы, аднак мерапрыемства аўтару спадабалася. Жыхары двух дамоў будаўнікоў — гэта дзесьці 120 кватэраў — вырашылі адсвяткаваць сваё прафесійнае свята. Да іх прыехалі самадзейныя артысты з г.п. Падсвілля, якія зладзілі выдатны канцэрт. Некаторыя з прысутных, пад добрую музыку, кінуліся ў танцы. Свята двух дамоў удалося! Артысты з’ехалі, а жыхары пачалі накрываць сталы… у скаржніцы пад вокнамі.

Такую «інсталяцыю» зрабілі да Дня будаўніка рамонтнікі дома па зав. Школьным, 8.

Уладзімір Скрабатун

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера