Дзіця выпала з акна пятага паверха ў Мазыры

Сямігадовы хлопчык выпаў з акна пятага паверха жылога дома ў Мазыры, паведамляюць мясцовыя СМІ са спасылкай на следчыя органы.

Інцыдэнт адбыўся 6 жніўня каля 20.00 на вуліцы Нафтабудаўнікоў райцэнтра. Адлегласць да газона унізе дзіця праляцела разам з маскітнымі сеткай.

Начальнік Мазырскага раённага аддзела Следчага камітэта Андрэй Грыб патлумачыў, што маці дзіцяці ў момант здарэння знаходзілася дома. Яна адцягнулася на некаторы час, пакінуўшы сына ў пакоі аднаго.

З цяжкімі траўмамі школьнік быў дастаўлены ў рэанімацыйнае аддзяленне гарадской бальніцы. Следчыя пачалі праверку ўсіх абставін здарэння.

0

0

0

0

0

0