Знайсці
05.08.2017 / 18:07РусŁacБел

Побач з Вільняй з'явіцца свабодная эканамічная зона

Мэр Вільні Рэмігіюс Шымашус сказаў, што з урадам узгадняюцца планы стварэння Віленскай свабоднай эканамічнай зоны (СЭЗ), паведамляе Delfi.

Яна магла б быць створана ў паўднёвай частцы горада, у Пагірах, дзе цяпер дзейнічае Віленскі лагістычны парк і інтэрмадальны тэрмінал. Гэтую ідэю мэр у сераду абмеркаваў з прэм'ерам Саўлюсам Сквярнялісам.

«Мы абмеркавалі магчымасць пабудаваць заводы вакол Вільні — праект індустрыяльнага парку або СЭС. Мы дамовіліся з самакіраваннем Вільнюскага раёна, урадам разам гэтым заняцца. Побач з Пагірамі, дзе намечаны лагістычны парк, мы сышліся ў меркаванні, што там лепшае месца і мы шукаем спосабы, як гэта зрабіць прыдатным для вытворчасці», — заявіў пасля сустрэчы з прэм'ерам Шымашус.

Ён лічыць, што трэба ацаніць выгаду прамзоны ў межах Вільні і Віленскага раёна для павышэння канкурэнтаздольнасці краіны, заявіў дарадца мэра Томас Бяржынскас.

Шымашус сказаў, што доўгія гады імкнуліся «выціснуць інвестыцыі з Вільні» ў іншыя муніцыпалітэты, і гэта адпужвала інвестараў ад Літвы.

Віленскае самакіраванне разам з літоўскай чыгуначнай кампаніяй Lietuvos gelezinkeliai валодае лагістычным паркам, плошчай 460 гектараў, які развіваецца вакол Віленскага інтэрмадальнага тэрмінала, які быў адкрыты ў 2015 годзе і каштаваў 36,7 млн еўра.

nn.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера