Рэжысёрка «Белых росаў — 2» здымае камедыю пра мінскага закамплексаванага праграміста
Аляксандра Бутар працуе над новай стужкай, здымкі ідуць у Беларусі.
Сцэнар рамантычнай камедыі «У асабістую прастору ўваход забаронены» Бутар пісала ў суаўтарстве з Юліяй Гірэль. Гэта першая самастойная работа творчай майстэрні «Тэрыторыя кіно».
У фільме здымаюцца добра вядомыя беларускаму гледачу акцёры Сяргей Жбанкоў і Ганна Палупанава, а таксама маладая змена — Эрык Абрамовіч (Новы драматычны тэатр) і Любоў Клок (Дзяржаўны тэатр лялек).
Любоў Клок.
Галоўныя ролі атрымалі Сцяпан Ляткоўскі і Кацярына Самойла, для іх гэта дэбют у вялікім кіно.
Кацярына Самойла.
Пра што
Жыццё здольнага, але закамплексаванага праграміста Макса выглядае ідэальным. Але бяда ў тым, што Макс — жудасны перфекцыяніст. Адна нязначная памылка здаецца яму поўным правалам. Макс кідае ўсё і з’язджае. І тут жыццё пакідвае яму лёсавызначальную сустрэчу з Машай, што пераварочвае яго свет.
