Знайсці
13.08.2008 / 12:581РусŁacБел

Узмоцненыя праверкі на мяжы перад фэстам у Нарвілішках

Дадатковыя меры памежнай бясьпекі будуць прыняты беларускімі і літоўскімі памежнікамі на сумесным участку мяжы на час правядзеньня фэстывалю Be2gether ("Будзем разам").

Ён адбудзецца 14—17 жніўня каля сьцен Нарвілішскага замку на літоўскай тэрыторыі ў непасрэднай блізкасьці ад мяжы з Беларусьсю.

Як паведаміў БелаПАН часовы выканаўца абавязкаў начальніка прэс-цэнтра Дзяржаўнага памежнага камітэта Беларусі Ігар Шчацінін, згодна з дамоўленасьцю з літоўскай памежнай адміністрацыяй будзе ўзмоцнены кантроль у пунктах пропуску на мяжы, узмоцненыя рэжымныя мерапрыемствы ў памежнай зоне і асабліва ў памежнай паласе. Грамадзяне, якія незаконна пранікнуць на гэтую тэрыторыю, напрыклад, каб паназіраць за фэстывалем зь беларускага боку, будуць затрымлівацца памежнікамі Лідзкага атрада і прыцягвацца да адміністрацыйнай адказнасьці.

Прадстаўнік беларускага памежнага ведамства патлумачыў, што для знаходжаньня ў памежнай зоне (тэрыторыя сельскага савета, сумежнага з мяжой) неабходны дазвол органаў унутраных спраў, а ў памежнай паласе — памежных упаўнаважаных.

БелаПАН

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера