Даслаць навіну
Знайсці
18.05.2017 / 16:46 105

Мітрапаліт Павел: Прыняцце ва Украіне «закона супраць РПЦ» можа ўвесці краіну ў хаос

Мітрапаліт Мінскі і Заслаўскі Павел, Патрыяршы Экзарх усяе Беларусі, звярнуўся да прэзідэнта Украіны Пятра Парашэнкі з нагоды законапраектаў на рэлігійную тэму, якія 18 мая павінна разгледзець Вярхоўная рада. Аб гэтым паведамляе Tut.by са спасылкай на прэс-службу Беларускай праваслаўнай царквы.

«Ад імя Сінода Беларускага Экзархата, духавенства і шматлікай паствы Беларускай Праваслаўнай Царквы, жыхароў Беларусі звяртаюся да вас, як гаранта выканання Канстытуцыі Украіны, правоў і свабод чалавека і грамадзяніна даручанай вашаму кіраўніцтву краіны, з просьбай стаць на абарону правоў і свабоды веравызнання братняга нам украінскага народа», — гаворыцца ў пачатку ліста ўкраінскаму прэзідэнту.

Мітрапаліт Павел заклапочаны тым, што 18 мая Вярхоўная рада разгледзіць «антыправаслаўныя законапраекты».

Гаворка ідзе аб законапраекце № 4128 «Аб унясенні змяненняў у закон Украіны «Аб свабодзе сумлення і рэлігійных арганізацыях», а таксама законапраекце № 4511 «Аб асаблівым статусе рэлігійных арганізацый, кіруючыя цэнтры якіх знаходзяцца ў дзяржаве, якая прызнаная Вярхоўнай радай краінай-агрэсарам».

Першы дакумент прадугледжвае, што прызначаць мітрапалітаў і біскупаў такія рэлігійныя арганізацыі змогуць толькі па ўзгадненні з органамі ўлады.

Яшчэ адзін артыкул гэтага закона абвяшчае, што «калі прадстаўнікі канфесіі будуць супрацоўнічаць з рэлігійнымі цэнтрамі ў дзяржаве-агрэсары», улада надзяляецца правам наогул яе забараніць на тэрыторыі Украіны. Нагадаем, частка дыяцэзій Украінскай Праваслаўнай Царквы знаходзяцца на тэрыторыі «ДНР» і «ЛНР», што ўжо стварае фармальную нагоду для забароны УПЦ.

У другім законапраекце ўдакладненая мінімальная колькасць прадстаўнікоў рэлігійнай супольнасці, згодна з рашэннем якіх можа быць змененая падпарадкаванасць храмаў канфесіям.

«Згаданыя законапраекты ў выпадку іх прыняцця паслужаць падставай для беспрэцэдэнтнага ў жыцці сучаснай цывілізаванаай чалавечай супольнасці прыгнёту канстытуцыйных правоў і свабод мільёнаў грамадзян Украіны, абуральнай дыскрымінацыі пераважнай большасці насельніцтва краіны па прыкмеце яго прыналежнасці да Украінскай Праваслаўнай Царквы», — лічыць кіраўнік БПЦ.

«Беларуская Праваслаўная Царква, выступаючы ў абарону міру, справядлівасці і здаровага сэнсу, у абарону сваіх украінскіх братоў па веры, асуджае ініцыятыву аб прыняцці Вярхоўнай радай Украіны законапраектаў № 4128 і № 4511. Калі згаданыя законапраекты будуць прынятыя, гэта можа ўвесці Украіну ў хаос бяспрыкладнай грамадзянскай вайны на глебе рэлігійных ганенняў і рэпрэсій у дачыненні да ўкраінскага праваслаўя», — падкрэсліў мітрапаліт Павел.

1
шуруп / адказаць
21.05.2017 / 22:41
Анатоль
20.05.2017 / 10:53
Глупость несусветная! Наберите в поисковике "папа римский". И вам вылезет ответ, что главой католической церкви, который сидит в Ватикане, в свое время были люди разных национальностей и из разных стран. Как пример три последних Папы; святой Иоанн Павел(поляк-русин), Бенедикт(немец),Франциск(аргентинец).
Никакому немцу или поляку католику в голову не придет отделяться от Римской католической церкви.
----------------------------------Глупость несусветную несете вы. Поскольку католицизм и православие - две разные конфессии, главой Ватикана может быть кто угодно, православию это безразлично. Еще на структуру протестантских конфессий сослались бы.
3
Олег / адказаць
22.05.2017 / 11:25
шуруп, Патриархом Всея Руси также может быть избран белорусский или украинский митрополит. Вы этого не знали?
0
lls / адказаць
23.05.2017 / 16:37
І гэты няхай едзе да Рязані.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Калі ласка, актывуйце JavaScript у наладах свайго браўзера, каб узяць удзел у апытанні
Загружаецца...
Каб скарыстацца календаром, калі ласка, актывуйце JavaScript у наладах свайго браўзера
2016 2017 2018
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30