У Беларусі 34 тысячы дамоў і кватэр належаць замежнікам

Больш за 42 тысяч капітальных будынкаў у Беларусі належаць замежнікам, паведамляе Tut.byса спасылкай на сайтДзяржаўнага камітэта па маёмасці.

Усяго будынкі, размешчаныя на тэрыторыі Беларусі, на праве ўласнасці належаць грамадзянам больш за 83 краін, а агульная плошча гэтых аб'ектаў нерухомасці перавышае 3 мільёны 194 тысячы квадратных метраў. Калі выказаць здагадку, што сярэдняя цана квадратнага метра — каля 500 даляраў, уся нерухомасць замежнікаў у краіне «пацягне» на 1,6 мільярда даляраў.

Сярод усіх метраў больш за ўсё — жылых. Гэта больш за 34 тысячы дамоў і кватэр, агульная плошча якіх амаль 2,4 мільёна квадратных метраў.

Сярод уладальнікаў нерухомасці ў Беларусі больш за ўсё расіян. Дзясятка выглядае так:

• РФ 32 097 — 2 358 462 м2;
• Украіна 3500 — 214 877 м2;
• Літва 2773 — 195 605 м2;
• Латвія 743 — 50 239 м2;
• Казахстан 742 — 68 127 м2;
• Малдова 357 — 23 286 м2;
• Узбекістан 314 — 18 602 м2;
• Азербайджан 308 — 34 874 м2;
• Ізраіль 301 — 34 925 м2;
• Грузія 267 — 16 353 м2.

0

0

0

0

0

0