Дзяржсакратар ЗША назваў немагчымай перазагрузку адносін з Расіяй
У інтэрв'ю тэлепраграме «Meet the Press» на тэлеканале NBC, Рэкс Тылерсан падкрэсліў, што адміністрацыя Дональда Трампа не мае намеру пачынаць выбудоўваць адносіны з Расіяй «з чыстага ліста».
«Я думаю, што тэрміны накшталт «перазагрузка адносін» выкарыстоўваюцца занадта часта. Перазагрузка немагчымая, бо немагчыма сцерці мінулае і пачаць усё з чыстага ліста. Мы стартуем з таго месца, на якім знаходзімся цяпер», - сказаў дзяржсакратар.
Тылерсан прызнаў, што ў цяперашні час адносіны паміж Вашынгтонам і Масквой знаходзяцца на «самым нізкім узроўні» з моманту заканчэння халоднай вайны. «Гэта нездаровая сітуацыя як для ўсяго свету, так і для нас. Не ў інтарэсах амерыканскага народа і нашых нацыянальных інтарэсаў, каб адносіны з Расіяй заставаліся на такім узроўні. Ці атрымаецца іх палепшыць ці ўсё застанецца па-ранейшаму, пакажа будучыня », - падкрэсліў ён.
Амерыканскі дзяржсакратар таксама паведаміў, што ў Расіі і ЗША ёсць шырокае кола пытанняў, якія яны павінны абмеркаваць. «Відавочна, што адно з іх — умяшанне Масквы ў прэзідэнцкія выбары. Яно пацвярджаецца дакументамі і абсалютна празрыста», — сказаў ён.