Машына без кіроўцы насмерць збіла пенсіянерку ў Віцебску
Машына без кіроўцы насмерць збіла пенсіянерку ў Віцебску, паведаміў БЕЛТА начальнік аддзялення агітацыі і прапаганды ДАІ УУС Віцебскага аблвыканкама Аляксандр Казючыц.
Фота ДАІ
Аварыя адбылася 13 мая каля 14.30. «Жыхарка Віцебска 1980 года нараджэння за рулём Toyota прыехала на працу па знаёмым маршруце і прыпаркавала машыну на ўхіле. Праз некаторы час яна пачула крыкі мінакоў пра тое, што яе машына коціцца назад. Падбегшы, убачыла, што аўтамабіль ужо паспеў заднімі коламі пераехаць пажылую жанчыну. Мабыць, яна ішла ўздоўж абочыны, калі аўто нечакана пакацілася і збіла яе», — растлумачыў Аляксандр Казючыц.
Ратавальнікі дапамаглі выцягнуць 70-гадовую жанчыну з-пад машыны, аднак медыкі канстатавалі смерць пенсіянеркі. Па дадзеным факце праводзіцца праверка, іншамарка дастаўленая на штрафстаянку. Будуць прызначаныя экспертызы, якія дапамогуць выявіць, чаму аўтамабіль пакаціўся назад.
