Карпенка: Трэба карэнным чынам перагледзець падыходы да замовы на падрыхтоўку кадраў
Пра гэта заявіў міністр адукацыі Ігар Карпенка ў эфіры тэлеканала АНТ, паведамляе БЕЛТА.
Міністр канстатаваў, што пакуль Міністэрства адукацыі выступае і замоўцам, і падрадчыкам падрыхтоўкі кадраў. На яго думку, трэба зыходзіць з патрэбы эканомікі ў тых ці іншых спецыялістах.
«Неабходна выпрацаваць новыя канцэптуальныя падыходы. Створана рабочая група, якая зоймецца стварэннем мадэлі перспектыўнага прагназавання патрэбнасці ў прафесійных кадрах», — праінфармаваў Ігар Карпенка.
У гэтым прымаюць удзел спецыялісты Міністэрства працы і сацыяльнай абароны, Міністэрства эканомікі, а таксама Нацыянальнага статыстычнага камітэта і іншыя.
«Пэўныя вынікі гэтай працы мы павінны атрымаць ужо сёлета, каб наступная ўступная кампанія прайшла з улікам зменаў у адносінах да замовы кадраў, — сказаў міністр. — Хоць у бягучым годзе мы скарацілі пэўную колькасць месцаў. Пры гэтым суадносіны бюджэтных і платных месцаў будзе 50 на 50».
