Знайсці
05.05.2017 / 19:02РусŁacБел

Дэвід Лінч абвясціў пра сыход з кіно

Культавы амерыканскі кінарэжысёр Дэвід Лінч абвясціў, што пасля выхаду на тэлеэкраны ўсіх серый новага «Твін Пікс» перастане здымаць кіно, паведамляе ВВС.

Getty

У гутарцы з аўстралійскім выданнем Sydney Morning Herald аўтар «Дзікіх сэрцам», «Шаша ў нікуды» і «Малхоланд Драйв» сказаў, што яго апошнім праектам на вялікім экране так і застанецца псіхалагічны трылер «Унутраная імперыя» 2006 года.

«Многае змянілася: столькі цудоўных фільмаў праваліліся ў пракаце, а тое, што збірае касу — не тое, чым я хацеў бы займацца», — раскрыў сваю думку пастаноўшчык.

Пры гэтым культавы серыял Дэвіда Лінча «Твін Пікс» з пачатку 90-х вернецца на экраны 21-22 мая з новым сезонам пасля прэм'еры на Канскім фестывалі.

Першая поўнаметражка 71-гадовага цяпер аўтара — «Чалавек-слон» — пабачыла свет у 1977 годзе. Ужо тады выявіўся яго унікальны стыль.

«Ідэі — як дары, яны дыктуюць усё. Ты ідзеш за ідэяй і ўжо не турбуешся пра форму і нейкія там правілы, ты застаешся верным сваім думкам», — раскрыў Лінч свой погляд на творчасць.

«Дзікія сэрцам» ў 1990 годзе прынеслі рэжысёру «Залатую пальмавую галіну» ў Канах. За ўсю кар'еру Лінча чатыры разы намінавалі на «Оскар». Акрамя кінематографа, Лінч таксама захапляецца музыкай, фотапраектамі з высокай модай і трансцэндэнтальнай медытацыяй.

nn.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера