Пабачыў сьвет дзёньнік Панамарэнкі
У часопісе «Нёман» пабачылі сьвет асабістыя дзёньнікі Панцеляймона Панамарэнкі.
Панцеляймон Панамарэнка |
У часопісе «Нёман» пабачылі сьвет асабістыя дзёньнікі Панцеляймона Панамарэнкі.
Як паведаміў карэспандэнту ІА REGNUM загадчык адддзелу публікацыі дакумэнтаў Нацыянальнага архіву Беларусі Віталь Скалабан, гэта сталася магчымым дзякуючы таму, што дзёньнікі ня так даўно былі перададзеныя ў архіў унучкай Панамарэнкі Сьвятланай.
Панцеляймон Панамарэнка займаў асаблівае месца сярод кіраўнікоў Савецкай Беларусі. Ён меў рэпутацыю «зьбіральніка» беларускіх земляў. Менавіта Панамарэнка прымаў непасрэдны ўдзел ва ўзьяднаньні Заходняй Беларусі й БССР у 1939 годзе, менавіта ён пераканаў Іосіфа Сталіна ў тым, што Палесьсе зь Берасьцем і Пінскам мусіць быць менавіта ў складзе БССР.
Панцеляймон Панамарэнка прыехаў у Менск летам 1938 году на пасаду першага сакратара ЦК Кампартыі Беларусі й у 1948 годзе зьехаў у Маскву «на павышэньне». Гэтае дзесяцігодзьдзе ва ўспамінах Панамарэнкі названае «незабыўным часам». На думку некаторых гісторыкаў, Панцеляймон Кандратавіч мусіў быў узначаліць савецкі ўрад, бо плянамерна ўздымаўся па кар’ернай лесьвіцы й быў у добрых стасунках з Іосіфам Сталіным, аднак па сьмерці Сталіна кар’ера Панамарэнкі абарвалася, бо Мікіта Хрушчоў стараўся прывесьці ў Крэмль перш за ўсё сваё атачэньне.
У апублікаваных дзёньніках апісваюцца шматлікія сустрэчы Панцеляймона Панамарэнкі з Сталіным. Каштоўныя гэтыя дзёньнікі найперш тым, што нямногія прадстаўнікі савецкай партнамэнклятуры вялі дзёньнікі ў той час.