«Спасаўскія запусты» у Бельску-Падляскім
Мястэчка Чаромха на польска-беларускай мяжы (даезд ад Берасьця праз памежны пункт Пясчатка) арганізавала шыкоўны фольк-фэстываль, кірмаш народнага мастацтва, кулінарны конкурс падляскіх страваў з дэгустацыямі. А ў Бельску фэстываль «Спасаўскія запусты» і фэст царкоўнае музыкі.
Малое мястэчка Чаромха на польска-беларускай мяжы штолета праводзіць Міжнародныя сустрэчы з народным мастацтвам «Зь сялянскага падворку».
Сёлета праводзіцца ўжо ХІІІ такі фэст. Ён супаў таксама з X Польска-ўкраінскімі музычнымі сустрэчамі.Канцэрты доўжыліся цэлы тыдзень, а на выходныя прыпалі самыя вяршкі:
9 жніўня (субота) 19.00
• Rzepczyno Folk Band (Польшча)
• Dacha Bracha (Украіна)
• Gurzuf (Беларусь)
• Czeremszyna (Польшча)
10 жніўня (нядзеля) 15.00
Кірмаш народнага мастацтва, кулінарны конкурс падляскіх страваў з дэгустацыямі.
18.00 канцэрты:
• Kurpianka (Польшча)
• OROBORO (Латвія)
• Ajagore (Польшча)
• VOO VOO (Польшча)
Варта адзначыць незвычайнае багацьце культурнага жыцьця на Падляшшы. Так, у нядзелю 10 жніўня а 16-й гадзіне ў Бельску, у амфітэатры распачынаецца фэстываль «Спасаўскія запусты». Адначасова ў Бельску працягваецца фэст царкоўнае музыкі.
10 жніўня а 15.30 адбудзецца мясцовы фэст у Семяноўцы з удзелам тутэйшых гуртоў і гурту «Неруш» зь Беларусі.
А ў старой сынагозе ў Орлі ідзе вартая ўвагі выстава «Традыцыйнае народнае ткацтва Арлянскай зямлі».
Наведайце беларуса-польскае Падляшша!