Знайсці
28.04.2017 / 11:2825РусŁacБел

5 прычын пабачыць «Кнігу Ілая» па-беларуску

Паказы — 28—30 красавіка, кінатэатр «Масква» (пр. Пераможцаў, 13). Пачатак сеансаў — 19:00.

У пятніцу, 28 красавіка у кінатэатры «Масква» пачынаюцца паказы фільма «Кніга Ілая» па-беларуску. Іх арганізуе праект «Беларускія ўікэнды» пры падтрымцы «Атлант Тэлекам» і velcom.

Арганізатары склалі спіс з 5 пунктаў, чаму гэтыя паказы варта наведаць.

1. Мова

Праект «Беларускія ўікэнды» адзіны ў Беларусі ладзіць паказы фільмаў у кінатэатрах па-беларуску. Яшчэ нядаўна гэта было фантастыкай, а сёння — рэальнасць!

2. Чарнобыль

Фільм «Кніга Ілая» распавядае пра свет пасля ядзернай катастрофы. Для беларусаў гэта тэма зразумелая як для нікога іншага. Паказы адмыслова прымеркаваны да гадавіны Чарнобыльскай трагедыі. Перад гледачамі выступіць запрошаны госць, ліквідатар аварыі на ЧАЭС, вядомы мастак Лявон Грышук.

3. Акцёры

Выбітны акцёрскі склад. У галоўных ролях заўжды пераканаўчы Дэнзел Вашынгтон і геніяльны Гэры Олдмен. Кампанію ім нечакана склалі знакаміты музыка Том Уэйтс (у ролі гандляра-інжынера) і Дамблдор Майкл Гэмбан у ролі пажылога канібала. З беларускага боку таксама цудоўныя акцёры агучвалі фільм: Павал Харланчук, Ганна Хітрык, Алесь Малчанаў, Святлана Цімохіна, Зміцер Саладуха, Уладзімер Глотаў.

4. Атмасфера

Крытыкі асабліва адзначаюць выкшталцона створаную атмасферу постапакаліптычнага свету. Доўгія праходы галоўнага героя дазваляюць нам у падрабязнасцях разглядзець свет пасля ядзернай катастрофы, і стваральнікі фільма не пашкадавалі дэталяў.

5. Каштоўнасці

Фільм кажа пра сапраўды важныя рэчы: нашу адказнасць за тое, якім будзе свет заўтра; прымушае паразважаць пра бяздумнае спажыванне; пра важнасць веры; пра тое, што ўсё, нават Біблію, можна выкарыстоўваць як на дабро, так і на зло. І пра тое, што недастаткова чытаць правільныя словы, трэба імі жыць.

Больш інфармацыі на kinakong.by.

Квіткі можна набыць у касах кінатэатра і на bycard.by.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера