Амерыканскі генерал: Ісламісты «Талібана» могуць атрымліваць дапамогу ад Масквы
Уплыў РФ на афганскіх ісламістаў расце, што можа быць звязана з дапамогай, якую аказвае Масква баевікам, сказаў генерал Кёрціс Скапароці, камандуючы войскамі НАТА ў Еўропе.
МЗС Расіі адмаўляе свае сувязі з талібамі, якія арганізуюць тэракты супраць мірнага насельніцтва і дыверсіі супраць урадавых войск і сіл міжнароднай кааліцыі, піша Reuters.
Амерыканскія жаўнеры падчас аперацыі ў Афганістане. Фота foreignpolicyjournal.com
«Я бачу ў апошні час рост уплыву Расіі і нават, магчыма, яе пастаўкі для «Талібана»», — сказаў вайсковец на слуханні ў Камітэце па ўзброеных сілах у Сенаце ЗША. Згодна з ацэнкамі, урадавыя сілы ў Афганістане кантралююць менш за 60% тэрыторыі, а астатняя частка краіны альбо з'яўляецца спрэчнай тэрыторыяй, альбо кантралюецца баевікамі.
Прадстаўнікі «Талібана» паведамлялі, што падтрымліваюць кантакты з Масквой як мінімум з 2007 года.
