Знайсці
25.03.2017 / 15:447РусŁacБел

Такога Дня Волі Мінск яшчэ не бачыў ФОТЫ

Фота Сяргея Гудзіліна

Сотні, а можа быць і тысячы людзей затрыманыя ў Мінску. Затрыманні былі пастаўленыя на канвеер. Хапун адбываўся з усіх бакоў на подступах да Акадэміі навук, у раёне плошчы Якуба Коласа, вуліцы Казлова, на праспекце Машэрава, у раёнах вуліц Сурганава, Кузьмы Чорнага, плошчы Калініна.

Людзям не давалі сабрацца, цягнулі кожнага, хто меў плакат ці сцяг.

Фота Сяргея Гудзіліна

Тым не менш, некалькі тысяч чалавек сканцэнтраваліся ў раёне плошчы Якуба Коласа. Яны рушылі ў бок цэнтра.

Фота Ганны Клімовіч

Людзей атачылі і хапалі там.

Пратэстоўцы не аказвалі супраціўлення. Яны пратэставалі проста самім фактам выхаду на вуліцу.

Пакуль цяжка ацаніць агульную колькасць затрыманых. Але гаворка ідзе пра сотні людзей. 

Карэспандэнты «Нашай Нівы» сталі сведкамі затрыманняў не менш за 150 чалавек у раёне завода «Белвар», 50 чалавек — каля «Электрасілы», яшчэ 50 — каля крамы «Крышталь» на праспекце Машэрава.

Фота Сяргея Гудзіліна

На разгон мірнай дэманстрацыі, дакладней, на тое, каб яна не адбылася былі скіраваныя тысячы супрацоўнікаў праваахоўных органаў, сотні адзінак тэхнікі.

Фота Сяргея Гудзіліна

Фота Ірыны Арахоўскай

Затрыманыя за відэаздымку затрыманняў у адным з двароў на вуліцы Кузьмы Чорнага карэспандэнты «Нашай Нівы» паведамляюць, што ў адным Заводскім РУУС яны бачылі прыкладна сотню затрыманых. Ім удалося зняць некалькі кадраў: жыхары Мінска выстраеныя ў шэрагі каля мура.

РУУСаў у Мінску 8, частку затрыманых таксама адразу завозіць у ізалятары на Акрэсціна і ў Жодзіна.

Фота Ірыны Арахоўскай

Што сёння ўражвала, дык гэта ўпартасць маніфестантаў. нават калі стала ясна, што гэта жорсткі хапун, тысячы людзей заставаліся на вуліцах.

Фота Ірыны Арахоўскай

У той жа дзень сотні людзей выйшлі на Дзень Волі ў Брэсце, Гродне, Гомелі. 

Дзень Волі ў Брэсце. Фота Уладзя Швядовіча.

Дзень Волі ў Гомелі. Фота Алены Германовіч.

Гэта стрым радыё Свабода:

Анлайн-рэпартаж чытайце ТУТ.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера