Рыжанкоў назваў галоўную ідэю дэкрэта аб дармаедах
Галоўная ідэя дэкрэта №3 «Аб прадухіленні сацыяльнага ўтрыманства» — стымуляваць людзей выплачваць падаткі.
Пра гэта сёння заявіў першы намеснік кіраўніка Адміністрацыі прэзідэнта Максім Рыжанкоў падчас выязнога прыёму ў Рагачове па пытаннях рэалізацыі норм дэкрэта №3, піша БелТА.
Максім Рыжанкоў адзначыў, што агульная сума збору па фінансаванні дзяржрасходаў у маштабах бюджэту будзе невялікай. «Галоўная ідэя дэкрэта № 3 — стымуляваць людзей выплачваць падаткі, паказваць свае даходы», — падкрэсліў ён.
Першы намеснік кіраўніка Адміністрацыі нагадаў, што ў многіх заходніх краінах прадугледжаная сур'ёзная адказнасць за ўхіленне ад выплаты падаткаў.
У Беларусі ж, выкарыстоўваючы механізмы дэкрэта №3, імкнуцца пакрыць выдаткі дзяржавы на сацыяльныя паслугі, якія аказваліся грамадзянам, якія не выплацілі або выплацілі не ў поўным аб'ёме падаткі.
Дакранаючыся мэты выязных прыёмаў грамадзян, Максім Рыжанкоў адзначыў, што Адміністрацыя Прэзідэнта імкнецца такім чынам не толькі растлумачыць пытанні рэалізацыі норм дэкрэта, але і ў цэлым вывучыць пытанні, якія хвалююць людзей у рэгіёнах.