Лукашэнку падарылі самазарадны магутны маўзер, які страляе чэргамі ФОТАФАКТ
Падчас наведвання агульнавайсковага Абуз-Лясноўскага палігона вайскоўцы паднеслі ў падарунак Аляксандру Лукашэнку памятную зброю. Кадры былі прадэманстраваны тэлеканалам АНТ.
— На памяць, тут эмблема войскаў Заходняга аператыўнага камандавання, — растлумачыў уручаючы падарунак камандуючы войскамі Заходняга аператыўнага камандавання Віктар Хрэнін.
Лукашэнку падарылі самазарадны пісталет маўзер К96. Гэтую зброю адрознівае дакладнасць і далёкасць бою, якая перавышае аналагічныя нават у шматлікіх сучасных узораў.
У пісталеце выкарыстоўваецца магутны патрон 7,63 маўзер і прадугледжана магчымасць стральбы чэргамі.
Таму сёння маўзер К96 пазіцыянуецца як невялікі аўтаматычны карабін, пры выкарыстанні кабуры-прыклада з яго можна весці аўтаматычны агонь. Эфектыўная далёкасць агню ў такой канфігурацыі 200—300 м.