Знайсці
15.10.2016 / 17:222РусŁacБел

Польшча адмаўляецца ад набыцця 50 французскіх ваенных верталётаў, каб купіць амерыканскія польскай вытворчасці

Варшава набудзе для сваіх сіл спецыяльнага прызначэння 10 верталётаў S-70i Black Hawk амерыканскай распрацоўкі, заявіў міністр абароны Польшчы Антоні Мацярэвіч, паведаміў партал defence24.pl.

S-70i Black Hawk

Гэтае рашэнне было аб'яўлена на гэтым тыдні на фоне паведамлення аб адмове Польшчы ад кантракта больш чым на 3 мільярда еўра з французскім канцэрнам Airbus. Кантракт заключаны вясной 2015 года яшчэ папярэднім урадам краіны, згодна з дамовай Польшча купляла для ўзброеных сіл 50 шматмэтавых верталётаў Caracal.

Аднак правакансерватыўная партыя «Права і справядлівасць», якая прыйшла да ўлады ў канцы 2015 года, лічыць, што французскія фірмы не выконваюць свае абавязкі па інвестыцыях у Польшчы, што было адной з умоў кантракта.

Такім чынам польскія кансерватары вырашылі адмовіцца ад кантракта з французамі, а замест набываць верталёты амерыканскай распрацоўкі, бо іх вытворчасць ужо ідзе на тэрыторыі Польшчы.

S-70i Black Hawk мае экіпаж 2 чалавек, можа перавозіць 13 цалкам узброеных пехацінцаў. Узбраенне можа складацца з кулямётаў, 70 мм ракет Hydra і 178-мм ракет Hellfire.

Аляксандр Гелагаеў

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера