Ліга чэмпіёнаў вяртаецца: БАТЭ – СІК (Фінляндыя) — 2:0 АНЛАЙН
22:48
Усё, гульня скончаная. Дастаткова ўпэўненая перамога БАТЭ з лікам 2:0. Праўда, яна пакідае яшчэ такія-сякія шанцы фінам падчас гульні ў адказ.
22:44
Літаральна пару хвілін застаецца да сканчэння гульні. Ну што, будзе яшчэ адзін гол?
22:38
Выйшаў на поле Валерыяне Гвілія, дыктар прадставіў яго як: «Наш грузінскі брат».
22:33
Зычным ісландскі «Ху» спрабавалі заўзятары напалохаць фінаў.
22:30
Гібралтарцы ўсё яшчэ трымаюцца — 1:0. А вось мальтыйцы прапусцілі ад «Црвены Звезды».
22:28
Стасевіч усё часцей пачынае разрываць абарону СІКа. Калі ўсё скончыцца двума галамі, то для фінаў гэта будзе за шчасце.
Аляксандра Валадзько мяняюць на Мірку Іваніча.
22:24
Пас на Радзівонава, дарэчы, аддаў Ігар Стасевіч. У яго сёння ўжо асістэнцкі дубль.
22:22
2:0!!! Віталь Радзівонаў пасля цудоўнага паса, які пакінуў у дурнях усю абарону фінаў, вырваўся ў штрафную і не схібіў.
Адразу адбылася замена: замест Гардзейчука на полі з'явіўся Аляксей Рыас.
22:15
Следам булітны выхад здарыўся ў Ігара Стасевіча, аднак і беларус не змог адправіць мяч у сетку. Весялуха пайшла!
22:14
Што гэта было?!! Проста шкалярскую памылку дапускае абаронца і фінскі форвард выбягаў адзін на адзін з Сяргеем Верамко. Брамніка атрымалася пракінуць, але своечасова паспеў абаронца Віталь Гайдучык і вынес мяч з пустых варот.
22:11
Можа, час ужо пра замены падумаць? Тым больш, што ў запасе ў БАТЭ крэатыўныя серб Мірка Іваніч і грузін Валерыяне Гвілія.
22:07
У нас намінальныя фаварыты перамагаюць, але выспявае дзве сенсацыі. Гібралтарскі «Лінкальн» перамагае шатландскі «Сэлтык» з лікам 1:0, а мальтыйская «Валета» з такім самым лікам пакуль мацнейшая за «Црвену Звезду» з Сербіі.
22:05
Нішто сабе! Салдаты зараджаюць: «Самы сільны — жоўта-сіні». Класная падтрымка фанатам.
22:02
Апроч традыцыйных хот-догаў і гамбургераў гледачы маглі набыць таксама дранік-бургер. Цана — 3,5 рублі.
22:00
Другі тайм стартаваў! Без замен каманды.
21:45
Першы тайм скончаны. Латвійскі арбітр не дадаў нічога. 1:0 БАТЭ выйграе.
21:42
На 42-ой хвіліне СІК стварыў першую небяспеку ля брамы БАТЭ. Было страшна, але не вельмі.
Адразу следам жоўтую картку атрымаў Віталь Радзівонаў.
21:39
Вось ён гол:
#БАТЭСИК 1-0! pic.twitter.com/puRHKfMxBt
21:36
Запахла ці то чабурэкамі, то чым… Апетытна запахла. Перапынак блізка.
21:35
Цікава, фіны будуць працягваць прапаведваць усё такі ж закрыты футбол, ці ўсё ж паспрабуюць пашукаць шчасця на чужой палове поля. Пакуль СІК абараняецца ўдзесяцёх.
21:33
Голллллл! Юрый Кендыш забівае галавой пасля падачы кутняга ў выкананні Стасевіча. Трыбуны ў экстазе, патрабуюць: «Давай яшчэ!»
21:31
Віталю Радзівонаву не хапіла зусім крыху, каб накіраваць мяч у вароты. Ох, як трэба гол!
21:29
Фатограф Сяргей Гудзілін перадае, што за час гульні на «Барысаў-Арэне» паспеў зняць з сябе двух кляшчоў, аднак…
21:27
Суровыя барысаўскія «кузьмічы» асвістваюць фінскага брамніка, калі ён вееееееельмі доўга ўводзіць мяч у гульню. Па справе свісцяць, чаго ўжо там.
21:26
Чамусьці падумалася, што БАТЭ з леташняга складу вельмі не хапае рэактыўнага крайняга абаронцы Філіпа Младзенавіча. Ён бы мог у такой сітуацыі нешта прыдумаць.
21:23
Карніцкі ўдарам з пыру спрабаваў хоць неяк разварушыць сонную хаду гульні. Не надта атрымалася.
21:22
Сумнавата пакуль…
21:18
Ігар Стасевіч спрабаваў закруціць мяч у вароты са штрафнога, але не надта небяспечна для галкіпера. Да ўдарах у створ пакуль лік 3:0, на табло ж — 0:0.
21:17
Гарачыя фінскія хлопцы пакуль нічым не адзначаюцца ў атацы. Толькі аднойчы яны пераходзілі на чужую палову поля.
Фанаты БАТЭ прыгожа спяваюць на-беларуску: «Пераможам і мы».
21:13
Смешны хэш-тэг да гэтай гульні ў твітары: #БАТЭСИК.
21:09
Ігар Стасевіч някепска прыклаўся па мячу, той паляцеў у блізкі вугал і брамнік СІКа перавёў мяч на кутні.
21:07
Пакуль быў толькі адзін больш-менш востры момант, калі прабіваў Карніцкі, але ўдар атрымаўся дастаткова бясхітрасны - брамнік справіўся. БАТЭ валодае тэрыторыяй.
21:03
Ганне Бонд перад гульнёй Анатоль Капскі падараваў імянную майку.
21:01
У прэс-ложы ёсць з дзясятак чалавек, што прыехалі пазаўзець за СІК з Фінляндыі. Вядуць сябе дастаткова гучна. Нават сцяг ёсць.
21:00
Усё, гульня пачалася!
20:58
Каманды выходзяць на газон. Нешта нават гімн Лігі чэмпіёнаў не ўключылі. Журбінка.
20:54
Выглядае, што аншлагу сёння чакаць не выпадае. За дзесяць хвілін да пачатку гульні трыбуны запоўненыя пакуль дастаткова жыдзенька. Зноў прыйшлі салдацікі з блізкіх Печаў.
Дыктар падзякаваў усім заўзятарам, што прыйшлі на гульню ў жоўтых колерах, а таксама павіншаваў зборную Партугаліі з перамогай на Еўра.
Гучыць гімн БАТЭ. «БАТЭ – эта он, эта он, БАТЭ – эта наш чемпіон».
20:50
Асноўны склад БАТЭ: Верамко, Гайдучык, Карніцкі, Пік, А.Валадзько, Жаўнерчык, Стасевіч, Палякоў, Кендыш, Гардзяйчук, Радзівонаў.
Звяртае ўвагу, што месца ў браме заняў Сяргей Верамко – гэта першы ягоны матч пасля вяртання ў БАТЭ. Няма ў асноўным складзе Мірка Іваніч, але ён у запасе. Траўмаваныя адразу два цэнтральных абаронцы БАТЭ: серб Мілунавіч і латыш Дубра.
***
12 ліпеня барысаўскі БАТЭ ў рамках другога кваліфікацыйнага раўнда Лігі чэмпіёнаў прымае фінскі СІК.
Фінскі клуб прыехаў у Беларусь з горадам з прыемнай для беларускага вуха назвай Сейняёкі. Летась гэты малады клуб упершыню стаў чэмпіёнам сваёй краіны.
А вось дадзены чэмпіянат для СІКа праходзіць не вельмі ўдала. Пасля сямнаццаці праведзеных гульняў СІК займае толькі сёмы радок у чэмпіянаце з 23 пунктамі. У лідара чэмпіянату – ХІКа – 34 пункты.
БАТЭ лічыцца безумоўным фаварытам гульні. Букмкерскія канторы прымаюць стаўкі на чэмпіёна Беларусі з каэфіцыентам 1 да 1,2, на СІК – 1 да 12.
Каб прайсці ў групавы этап Лігі чэмпіёнаў, БАТЭ мусіць прайсці тры этапы адбору.
