Харватыя сенсацыйна перамагае Іспанію. Нас чакае суперматч у 1/8 Італія – Іспанія
Зборная Харватыі дастаткова нечакана заняла першае месца ў падгрупе D. Заключная сустрэча для іспанцаў пачыналася вельмі добра. Ужо на 7-й хвіліне Альвара Марата, які якраз перайшоў з «Ювентуса» ў «Рэал» адкрыў лік.
Радасць зборнай Харватыі. Фота uefa.com.
Аднак пры гэтым гульня да перапынку была роўнай. Гэта адлюстроўвалася як па колькасці ўдараў, гэтак і па валоданні мяча. Ужо на апошняй хвіліне тайма Нікола Калініч зраўняў лічбы на табло – 1:1.
У другім тайме харвацкі брамнік Субашыч адбіў пенальці, які бясхітрасна выканаў Серхіа Рамас.
А на 87-й хвіліне харваты правялі кінжальны контрвыпад. Спружына атакі разжалася імгненна. Калініч адпасаваў на Перышыча, і гулец «Інтэра» не схібіў – 2:1.
Гэтая перамога ўзняла Харватыю на першае месца ў групе, а Іспанію апусціла на другое. Гэта значыць, што на стадыі 1/8 фінала нас будзе чакаць супергульня Італія – Іспанія.
У другім матчы ў групе Турцыя перамагла Чэхію – 2:0. Становішча ў табліцы: Харватыя – 7 пунктаў, Іспанія – 6, Турцыя – 3, Чэхія – 1.
Перамога Турцыі вывела ў плэй-оф зборную Паўночнай Ірландыі.