УЕФА: супраць футбольных федэрацый Венгрыі, Бельгіі і Партугаліі адкрыты дысцыплінарныя справы
Саюз еўрапейскіх футбольных асацыяцый (УЕФА) адкрыў дысцыплінарныя справы ў адносінах да нацыянальных футбольных федэрацый Венгрыі, Бельгіі і Партугаліі праз паводзіны іх балельшчыкаў падчас суботніх матчаў на чэмпіянаце Еўропы ў Францыі.
Венгерскія заўзятары ззаду ісландскага брамніка. Фота Reuters.
Венгерскія заўзятары абвінавачваюцца ў тым, што яны запускалі фаеры, кідалі на поле староннія прадметы і ўдзельнічалі ў беспарадках падчас матчу з Ісландыяй.
Бельгійскія заўзятары таксама абвінавачваюцца ў выкарыстанні фаераў і кіданне прадметаў на поле..
Чэмпіянат Еўропы па футболе, які пачаўся тыдзень таму, суправаджаўся беспарадкамі як на вуліцах французскіх гарадоў, так і на стадыёнах, дзе праходзілі матчы.
УЕФА ўжо расследуе паводзіны заўзятараў Турцыі і Харватыі, зборным Англіі і Расіі вынесена папярэджанне — калі масавыя беспарадкі з удзелам іх заўзятараў працягнуцца, іх здымуць з чэмпіянату Еўропы, — а на зборную Расіі яшчэ і накладзеная умоўная дыскваліфікацыя і штраф у памеры 150 тыс. еўра.
