Знайсці
05.04.2015 / 18:40РусŁacБел

Топ-100 самых уплывовых беларусаў. 20. Лілія Ананіч

20 (–). Лілія Ананіч

Міністр інфармацыі.

 

Заменай папярэдняму міністру Алегу Праляскоўскаму (№62 у рэйтынгу за 2013) стала першая намесніца. У адрозненне ад папярэдніх міністраў, ад першых дзён на пасадзе праяўляе напорыстасць, што і вывела яе ў рэйтынгу на вышэйшыя пазіцыі.

Увогуле, Лілія Ананіч працуе ў структуры міністэрства больш за 20 гадоў. Гэта яна падпісвала дакумент аб спыненні дзейнасці выдавецтва «Логвінаў» за выданне альбома «Прэс-фота Беларусі—2011», гэта яна выносіла папярэджанні незалежным СМІ (у тым ліку і за выкарыстанне абрэвіятуры «РБ»), гэта яна апелявала да досведу Кітая, які ўвёў інтэрнэт-цэнзуру.

Пры гэтым барацьбу за аўдыторыю ў інтэрнэце дзяржаўная прапагандысцкая машына прайграе ўчыстую. Лукашэнкаўцы са сваімі рэсурсамі не могуць нават наблізіцца да папулярнасці «Тут.бая», «Ан-лайнера», «Хартыі’97». А магутныя расійскія прапаганда-машыны па-ранейшаму кантралююць беларускую тэлепрастору.

 

Цытата

«Ідэалогія паўсюль: у краме, на спажывецкай паліцы, у бібліятэцы, куды прыходзіць дзіця, на прадпрыемстве, дзе мы атрымліваем заробак».

Верасень 2014

 

Аб’ектыўка

Нар. у 1960 ў вёсцы Леванова Барысаўскага раёна. Скончыла журфак БДУ (1982) і Акадэмію кіравання (2000). Працавала рэдактарам вайсковага НДІ сродкаў аўтаматызацыі ў Мінску (1984—1992). З 1992 — у сістэме Міністэрства інфармацыі, з 2014 — міністр. Замужам, мае дваіх дзяцей.

* * *

Чытайце таксама:

Лілія Ананіч – гісторыя настаўніцкай дачкі з пушчанскага краю

* * *

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера