Даслаць навіну
Знайсці
0
дзевачка / адказаць
23.11.2007 / 10:52
рэд., калі ласка, дафарматуйце тэкст
0
Здзіўлены / адказаць
23.11.2007 / 11:14
Адкрыў для сябе новага аўтара -- Шрамка. Добрая зацемка! А дзе можна паглядзець гэтага pARTisana?
0
$ / адказаць
23.11.2007 / 11:39
паважаная рэдакцыя. у вас курсіў заеў?
0
Аляксандар Шрамко / адказаць
23.11.2007 / 12:52
Мне так проста далі пачытаць. Але тут ёсьць кантакты рэдакцыі, дзе можна набыць альманах. (029) 6534838 (Артур Клінаў) (029) 6198053 (Аля Сідаровіч)
0
А вучыцелі хто? Гандляры сумленьнем? / адказаць
23.11.2007 / 13:06
Гандаль папсой як і гандаль алкаголем ды тытунём шырока распаўсюджаны ў Расеі. Апошняга не цураецца і РПЦ ў РБ, сп.Шрамко.Масавае спойваньне простага насельніцтва і давядзньне мужчынаў і жанчынаў да ракавіны(канцару) - як гэта спалучаецца з апэляцыямі да маральнасьці, якія хоць і зрэдку чуваць ад царкоўных служыцеляў?
0
Minak / адказаць
23.11.2007 / 14:44
Пра "выцісканне "руса". На працы размаўляюць дзьве маладыя жанчыны, якія жывуць у розных частках Мінску. - В садике мальчикам сказали быть на празднике Нового Года Петрушками, а девочкам - Конфетками. - И у нас тоже мальчики будут Петрушками! Увесь Мінск - Петрушкі, а можа і ўся Беларусь з яе міністэрствам адукацыі, інстытутамі пры ім, якія і рыхтуюць метадычныя матэрыялы і планы для садкоў і школ на аснове Петрушкі/Емелі.
0
Аляксандар Шрамко / адказаць
23.11.2007 / 17:24
2А вучыцелі хто? Гандляры сумленьнем? Я не зразумеў - Вы мяне асабіста абвінавачваеце ў гандлю алкаголем дыі тытунём, ці як? Калі ж Вы пра нейкія цёмныя справы герархіі, то, калі Вы ня ведаеце, менавіта за крытыку і “несанкцыяваныя выступленьня” я зараз забаронены ў служэньні. Па гэтай лёгіцы атрымліваецца, што, напрыклад, і аппазыцыя ў Беларусі павінна маўчаць, бо яна частка народу, які некалі прагаласаваў большасьцю за сучаснага дыктатара. Нават больш лагічна, таму што за прэзыдэнта ўсё ж і сапраўды галасавалі, а вось царкоўныя герархі наконт сваёй “легітымізацыі”, а тым больш сваіх кулюарных спраў, нікога не пыталіся. І, зразумела, ня з кім не дзяліліся:)
0
Аляксандар Шрамко / адказаць
23.11.2007 / 17:29
2Minak Не, гэта ня зусім то. "Петрушкі" гэта хутчэй зьнешняя культурная экспансыя. А "выцісканьне руса" гэта на асабістым унутранім узроўне.
0
Емеля Петрушке-товарищ и брат / адказаць
23.11.2007 / 21:36
сп.Шрамко, вы насамрэч не разумееце, што Мінаку не падабаюцца,раздражняюць вашы ўсьцяж зьвяртаньні да расейскага фальклёру (Емелі - Петрушкі ў вас і ў русіфікатараў) ? БНФ сабе не выбіраў народ. Нам такі зьнявечаны народ дастаўся"з ласкі" не ў апошнюю чаргу расейскіх царкоўнікаў. Таму і адказнасьць за яго не нясем. Або вельмі адносна. Ды і часткай народу свайго мы зьяўляемся толькі па крыві але не па духу. Рознага Духу мы з народам. Што агульнага ў змагара-патрыёта і раба-калябаранта? Тут наадварот, народ рабоў панясе адказнасьць перад Богам і гісторыяй за свае паводзіны, як за благія так і слушныя, калі такія знойдуцца. Як хрысьціянін вы гэта ведаеце? Да народу нас не дапускаюць захопнікі. Яны трымаюць просты народ у змане й палоне. Як да 1917 так і пасьля.Якіх вучыцеляў, скажыце трэба дзякаваць за тое, што "народ цёмны й сьляпы быццам крот"(Максім Багдановіч) ? Вас пэрсанальна аніхто й не думаў вінаваціць у гандлі алкаголем. За гэта адказвае тая інстытуцыя да якой вы належалі, як кліріык. У адрозьненьне ад БНФ, я мяркую, вы самастойна, па ўласнай волі ў свой час выбралі РПЦ і пайшлі працаваць да херархаў,якія чыняць "цёмныя справы". Што да вашай "забароны ў служэньні", то хваліце Бога. Ён можа выратаваў вас з хаўрусу гандляроў, як Лота з Садому й Гаморы ?
0
Аляксандар Шрамко / адказаць
24.11.2007 / 01:33
2Емеля Петрушке-товарищ и брат ***сп.Шрамко, вы насамрэч не разумееце, што Мінаку не падабаюцца,раздражняюць вашы ўсьцяж зьвяртаньні да расейскага фальклёру (Емелі - Петрушкі ў вас і ў русіфікатараў) ?*** Русіфікатарам Вы называеце Адама Глобуса, як я зразумеў? Бо я выкарыстаў вобраз Ямелі таму, што яго ўзгадвае Глобус. Я не прымушаю Вас чытаць артыкул, але калі ўжо ўзяліся каментаваць, трэба ж і праглядзець трошкі, ці як? ***БНФ сабе не выбіраў народ. У адрозьненьне ад БНФ, я мяркую, вы самастойна, па ўласнай волі ў свой час выбралі РПЦ і пайшлі працаваць да херархаў,якія чыняць "цёмныя справы".*** І я таксама не выбіраў Царкву. Бо Царква ёсьць Царква. Яна зусім ня зводзіцца да герархіі. Чалавек, які ідзе ў Царкву, ідзе да Бога, а не “працаваць да херархаў ”. Царква гэта Богачалавечы арганізм, чалавечая частка ў якім ня самая большая. Гэта раз. І герархія у самой чалавечай часткі гэта толькі частка. Зноў жа прывяду тое ж параўнаньне. Урад ў народзе бывае нават супраць народу. Хаця, бывае, сам народ яго прыводзіць да ўлады. Але ж мы ня кажам, што клопат пра народ і служэньне яму гэта “праца на ўрад”. Урады зьмяняюцца, а народ застаецца. Так і ў Царкве. Герархія цалкам і герархі паасобку бываюць розныя, яны прыходзяць і зыходзяць, а Царква застаецца. А па вашых словах ствараецца ўражаньне, што ў Вас чыста бальшавіцкае разуменьне Царквы – прыйшла кучка бандытаў, наняла клірыкаў і пачала гандляваць “опіумам для народу”  Наадварот, палітычная партыя ці арганізацыя ёсьць цалкам прадукт сваіх заснавальнікаў. Калі і выходзіць з-пад кантролю, так пад уплывам іншага чыста чалавечага фактару. Дарэчы, я і зараз застаюся ў Царкве, Царкве Праваслаўнай, як і БНФ у народзе, народзе Беларускім. ***Да народу нас не дапускаюць захопнікі. Яны трымаюць просты народ у змане й палоне… *** Я ня ведаю, што такое “просты народ”. Я ведаю, што ёсьць народ. І мы, як і Вы, ягоная частка. Арганічная. Так працуйце над сабой, над тымі, хто побач. Хто Вас не пускае? Нам ня трэба “ісці ў народ”, як раней рабілі дваране, якія, бывала, і размаўлялі нават на іншай мове. Зразумела, ёсьць абмежаваньні. Не пускаюць да ТВ, не даюць распаўсюджваць газэты і г. д. Але хто казаў, што будзе лёгка?:) Можа яшчэ Вы маеце на ўвазе магчымасьць кіраваць народам, моцай улады накіраваць яго ў “слушнае” рэчышча? Але, думаю, тут ёсьць вялікая спакуса. Мне таксама, бывае, здаецца, што можа было б добра, каб раптам стаў патрыярхам ці мітрапалітам “слушны” чалавек і “ўсё зрабіў бы як трэба”. Але гэта так ня будзе. І “просты народ” так проста ня пойдзе. Нават і зараз дыктатура яго не вядзе, а проста спэкулюе на ягонай псыхалёгіі, гуляе на нейкіх рэфлексах. “Слушная” улада не павінна перш за ўсё менавіта гуляцца з народам, яна , як гэта не цяжка, павінна быць шчырай з народам. І не давіць уладай ці аўтарытэтам, а выхоўваць, мець цярпеньне і чакаць. Дарэчы, тут у НН надрукавана размова з Алегам Трусавым. Пры ўсей павагі да яго, вельмі непрыемны было прачытаць ягонае такое меркаваньне, што “беларус заўсёды размаўляе на той мове, што і начальства”. Гэта, мне здаецца, непаважліва да народа, погляд на яго як на “просты” – што яму ўцямяшыш, то і будзе рабіць.. ***Нам такі зьнявечаны народ дастаўся"з ласкі" не ў апошнюю чаргу расейскіх царкоўнікаў.*** Зноў жа Вы па-бальшавіцкі разважаеце. “Царкоўнікі, якія трымаюць народ у цемры… “Не улічваеце, як я і казаў, шмат мернасьць Царквы. Дарэчы, калі ўжо на тое пайшло… Падаўляльная большасьць клірыкаў у праваслаўнай царкве на Беларусі – гэта беларусы. Нават сярод эпіскапаў можа толькі мітрапаліт Філарэт з Расеі. А вось у каталіцкай царкве беларусаў няма пакуль і паловы. Я разумею, канешне, што і Лукашэнка “наш родны”, і бывае, што калябарант горш за акупанта, але ўсё ж гэта менавіта народная царква і калі хварэе на нейкія комплексы, то як і ўвесь народ. І яшчэ. Не хацеў казаць, але дзеля справядлівасьці трэба ўдакладніць наконт гандлю алкаголем. Гэта дрэнна, што людзі з Царквы гэтым займаліся. Тутт няма ніякіх апраўданьням. Але ня трэба ствараць і міф, які не адпавядае рэчаіснасьці. Бо па таму, як тут было сказана, можна зразумець, што Царква амаль што толькі і займалася, што спойвала народ. Але па маім зьвесткам алкаголь, якім гандлявала структура пад назвай “Дыяканія”, перапрадавала зусім ня той алкаголь, ад якога спойваецца народ. Гэта ня водка і ня “чарніла”, а больш-менш культурныя напоі. Можа я памыляюся, але здаецца, што так. Бо нават на этыкетках стаяла пячатка “Дыяканія” – гэта ў прынцыпе і не хавалася. На мой погляд, тут справа дрэнная ў прынцыпе, а не па свайму канкрэтнаму выніку. Па выніку называць гэта спойваньнем народу (ды яшчэ масавым) гэта ўжо нацянута-перацянута. Можа калі б гэтую ж справу рабіла не фірма ад царквы, а звычайная, то можна было б ім нават падзякаваць за асартымэнт :) Дарэчы зноў жа параўнаем. Вядома, што ёсьць такія людзі, якія выкарысталі сваю “апазыцыйнасьць” для асабістага, скажам так, паляпшэньня жыцьця за кошт дапамогі з Захаду. Так што, цяпер разам з БТ на гэтай падставе будзем далдоніць, што ўся апазыцыя купленая?
0
Дарык / адказаць
24.11.2007 / 01:35
А хіба захаваўся нехта Глобус? Ён жа даўно перксьціўся з Саўла ў, даруйце, з Глобуса ў Глёбуса. І нават з разумным выглядам друкаваў нейкую лухту ў "Нашай Ніве". Нейкія показкі ў стылі сівой кабылы. І НН друкавала ягоныя глупствы. Ці можа я не так што зразумеў, і гэта была вайна за беларускасьць і выціскіньне расейскай "ымпэрскасьці"? Калі так, дык ратуй нас, Божа! І пісаць трэба або Ямелю ў Яўропу, або Эмэлю ў Эўропу. Заховайце адзінства стыляў.
0
U-1962 / адказаць
24.11.2007 / 21:14
Сп. Шрамко, справа ня ў розных дробных мярзотніках кшталту глобуса. Дастаткова аднога факта: глобус два гады назад "пахаваў" жывую жонку, напісаў на яе некралёг у Сеціве, і ўсе гэта ведаюць. Але закіды наконт сучаснага РПЦ, на мой погляд, слушныя. Асабіста Вас ніхто не вінаваціць у гандлі гарэлкай і тытунём. Гэтым займаюцца падуладныя РПЦ камэрцыйныя структуры, у нас у Менску -- "Кцітар-1" і "Кцітар-2" у прыватнасьці. Як хочаце -- магу даць каардынаты. Але ж Вы прадстаўляеце абсалютна чужарожны для нашай краіны рэлігійны інстытут -- РПЦ з усім, што адсюль вынікае. Так што ня трэба крыўдаваць. Ці Вы лічыце, што ад РПЦ нашай краіне ёсьць нейкая карысьць? РПЦ заўсёды прастытуіравала (прабачце) -- перад царамі, перад Сталіным, перад любой уладай. І рабіла гэта абсалютна беспрынцыпна. Толькі пра "духоўнасьць" ня трэба. Ад усёй гэтай філатэтаўшчыны даўно ванітуе...
0
Аляксандар Шрамко / адказаць
25.11.2007 / 03:06
2 Дарык ***І пісаць трэба або Ямелю ў Яўропу, або Эмэлю ў Эўропу.*** Дзякуй. Але я захоўваю правапіс арыгіналу - у артыкуле Глобуса "Эўропа" і "Ямеля". 2 U-1962 Зноў адказ у стылі "а ў вас неграў лінчуюць!". Па Вашіх словах атрымліваецца, што я не маю права выказвацца, ппакуль не адракуся ад РПЦ? Не. Гэтага ня будзе. І РПЦ ня тлолькі не лічу "абсалтна чужароднай", а наадварот - гэта самы блізкі да народу рэлігійны інстытут. Менавіта ў сацыяльным, а не духоўныым пляне. І як народ хворы, так з ім разам хварэе і царкоўны інстытут.
0
U-1962 / адказаць
26.11.2007 / 00:00
Чаму, на мой погляд, РПЦ для нас інстытут чужародны. У самім назове дэкляруецца нацыянальная прыналежнасьць да суседняй краіны, зь яе традыцыйнай імпэркасьцю, непавагай да ўсяго "нярусага" і шчырым хабёльствам. Прабачце, у Маскве пажыў досыць доўга, па РФ паезьдзіў, нават з маскоўскімі папамі меў справы, ведаю, што гэта такое. Мала нам было розных Каніскіх, Мураў'ёвых ды інш? Мала рускія "цары-бацюшкі" закатавалі нашага люду? Мала пазабіралі вуніяцкіх і каталіцкіх сьвятынь? А Мікалай-2, між іншым, вашым РПЦ кананізаваны. І заўтра Вам прыйдзе загад з Лубянкі ці каму там Вы падпарадкоўваецеся, якога Мураўёва кананізаваць... Маўляў -- "высокодуховный деятель, Северо-Западный край в истиное православие возвращал..." Што -- станеце пратэставаць? Адкажыце "ёсьць" і шчоўкніце абцасамі. У вас жа тамака дысцыпліна важнейшая за маральныя прынцыпы. Вы, безумоўна, маеце права выказваццца на будзь якія тэмы. Але сказаўшы "а", трэба гаварыць і "б". Што Вам, напрыклад, замінае, як сьвятару і чалавеку публічнаму, ацаніць той жа Сабор 1944 (ці 43, зараз не памятую, якога года)? Ваша РПЦ у тым выглядзе, якім ён цяпер ёсьць, створаны Сталіным. А хіба д'ябл можа стварыць што Боскае? А цемрашальства кшталту "Чорнае сотні"? А дзейсны ўдзел рускіх папоў у пагромах? А русіфікацыя? А ўсё астатняе? І што больш за ўсё мяне абурае -- усё, што адбывалася з РПЦ, усе вашыя Рыдзігеры абвяшчаюць "адзіным прамым Боскім шляхам"! А пятнаццатым стагодзьдзі маскальскія папы сталі на шлях расколу, адкалоліся ад Кіева -- "прамы Боскі шлях". Пётр першы адмяніў інстытут Патрыархіі -- таксама "прамы Боскі шлях!" Потым у 1919, здаецца. годзе, аднавілі -- "таксама адзіны прамы", потым патрыарха пасадзілі -- і гэта "прамы". Ды ад такой геамэтрыі проста звар'яцець можна! Дык як наконт ацэнкі ўсяго гэтага (пажадана, публічнай)? І яшчэ. Праваслаў'е, безумоўна, блізкае Беларусі. Як і каталіцызм, вуніяцтва і пратэстантызм. Але ж нагадаю, што да рускіх папоў у нас былі свае. Калі Менская япархія створаная? Нагадаць ці самі ведаеце? Ці можа Яфрасіньня Полацкая, Кірыла Тураўскі ды іншыя нашыя сьвятыя мелі нейкае дачыненьне да РПЦ?
0
Пагоня / адказаць
26.11.2007 / 14:21
Сьвядомаму патрыёту U-1962 дасылаю прывітаньне за справядлівыя развагі і вельмі слушную пазіцыю.Слава Айчыне!
0
Істамбул у Канстанцінопалі / адказаць
26.11.2007 / 15:32
Ну, сп.Шрамко вы мяне ашаламілі сваёй бізантыйскай вычварнасьцю. Усьцяж назіраю аднастайна лукавых маскоўскіх херархаў. Ані слова ў праўдзе не скажуць! Адзін артыстычны гр-н Гундяев са сваімі тэмбрамі варты цэлага МХАТу. А герр Фон Рыдігер, о выбачайце, яго прэасьвяшчэнства маскоўскі Алексій? Так пранікнёна бубніць у жыцьці не навучышся...Тысячагадовая бізантыйска-маскалёўская школа. Так бы мовіць, ВПШ пры РПЦ. Бальшавіцкім камісарам а езуітам да вас далёка! Нездарма гэтыя троцкія камісары так папоў раўнавалі. Падабенства да няверагоднасьці вялікае, што ажно ... калі чытаю вас прыгадваю сеансы прафілактыкі па выкліку мастацтвазнаўцаў "в штатском". Вы пішаце - РПЦ не гандлявала опіюмам для народу, а перапрадавала больш-менш культурныя напоі... Бо нават на этыкетках стаяла пячатка “Дыяканія”. Як у Расеі кажуць с ведома і одобренія або "по благословенію" начальствующего архірэя, зразумела для культурных вінапійцаў, ісьцінных знаўцаў. А не для рознай там "дамінуючай" праваслаўна-атэістычнай шушары, якая масава сьпіваецца "водкай і чарнілам" без пячаткі "Дыяканія". І вы кажаце, што гэта ў прынцыпе дрэнна. Але РПЦ такая "шматмерная" , што херархі хутка заткнулі вас разам з вашымі "прынцыпамі" і намерамі "клопату пра народ і служэньне яму" ў глыбокую д... і толькі дзякуючы НН вы маеце тут свабоду слова. Дарэчы, вы ёй злоўжываеце, ня толькі выкручваючы розныя нязграбныя сафізмы пра народ і ўрад "(Царква. Яна зусім ня зводзіцца да герархіі". - Нацыянал-сацыялізм ня зводзіцца да Гітлера-Гімлера, рускі камунізм - да Палітбюро Леніна-Берыя-Сталіна), апазыцыю і гранты але і пацьвільваючыся з патрыятычных хваласьпеваў на portal-credo.ru.21 ноября 2007 11:30 .Вось пёркі з вашых допісаў: "архиепископ Тадеуш Кондрусевич. Провентилировал связи с местным православным предстоятелем, прогулялся по высшим коридорам власти, с демократичной живостью пообщался с журналистами, и, пожав руки ведущим оппозиционерам, вознесся на митрополичью кафедру под звуки националистического гимна. " "зараз дыктатура яго(народ) не вядзе, а проста спэкулюе на ягонай псыхалёгіі" Выходзіць, па вашаму, што народ вядзе дыктатуру? Ну калі ўжо народ па сваёй псіхалогіі дыктатар (а гэта бывае), то куды ж прывялі яго бізантыйцы?
0
U-1962 / адказаць
27.11.2007 / 01:58
Шаноўны сп. Шрамко, прабачце, згадка... 2004 г. Масква. Ст. мэтро "Бегавая", кватэра рускага кінарэжысэра Фрунтава. Вы напэўна ведаеце хоць адзін ягоны фільм -- "Ларец Маріі Медічі". А то магу і тэлефон Фрунтава Рудольфа Юр'евіча даць... Я гэтаму ... сцэнар пісаў. 30 000 абяцаў, такса “Масфільма”. Дагэтуль чакаю. Карацей, карцінка. Праваслаўны Вялікдзень Стол. Трое рускіх папоў. Адзін сьпіць мордай у саляце. Другі расказвае, колькі каштуе "приход" у межах Садовага кальца (тамака ў вашых кацапскіх праваслаўных карупцыя страшная, нават маскоўскае ГІБДД адпачывае!). Сказаць, які хабар вашым РПЦ-шным гіерархам? 100 000 даляраў як мінімум за пасаду “іярэя”. У павузах гэты поп бегае паліць на кухню, потым яго ванітуе ў чарупіну. Трэці -- такі тлусты, з вурдулачым тварам, праўдзівы сонцаўскі бандзюган, -- тупа слухае. Калі я кажу -- "я каталік-ліцьвін" -- у кацапскіх папоў пачынаецце гістэрыка. Той, які ванітаваў, адразу цьверазее. І вочы ў гэтых храничных алкаголікаў адразу пашыраюцца больш за належнае. "Мы, русские люди, вас освободили от литовцев и поляков! Они вас всю жизнь окатоличивали и несли чуждый нам, русским людям, образ жизни! Вся наша русская земля в нашей Белоруссии нашей русской православной кровью полита! Ваш польский римский папа -- раскольник и сатанист, он агент ЦРУ!" (Слова гонару -- не хлушу!!! Проста цытую пачутае). Толькі ня трэба пра "хворую нацыю -- хворую царкву". Гэта ж сыстэмна... РПЦ -- рэлігія ксэнафобіі, чалавеканенавіства і нецярпімасьці. І на халеру вы нам патрэбныя? А можа, і не рэлігія, а імпэрская ідэялёгія...
0
Аляксандр Шрамко / адказаць
27.11.2007 / 03:03
да U-1962 Паважаны спадар невядомы мне чытач! Ёсьць сярод таго, да чаго Вы крануліся, і тое, што складае вядомыя праблемы ў царкоўным жыцьці. Ня ведаю, як хто, а я толькі рабіў і раблю, што прыцягваю ўвагу да гэтых праблемаў. Больш таго, можа Вам будзе цікава даведацца, што калі маю справу "разбіралі" першы раз (на эпархіяльным савеце), то я між іншым як раз і казаў пра тое, што неабходна прызнаць - былі ўчынкі, якія можна назваць здрадай Царквы (у большай ці меншай ступені). Нельга далдоніць, што ўсй было правільна, што быў, як Вы кажыце, толькі "прамы Боскі шлях". Наадварот, больш натуральна, што на такіх паваротах гісторыі, як у 20-м ст., ніяк не магло быць прамога шляху. Нават мы больш грашым ня тым, што былі крывізны, а ў тым, што мы іх, калі яны відавочныя, не прызнаем. І аб гэтым трэба казаць, і я не магу не казаць. Ад мяне чакалася толькі адно – каб я замоўк. Калі б я гэта зрабіў, я б зараз служыў. Мне б даравалі ўсё – нават пасьля гэтага разбору ў надзеі на паслухмянасьць мне далі сьвятарскую ўзнагароду. Але я не пагадзіўся. І самі разумееце, што забаранілі мне ў першую чаргу зусім не выступленьні ў абарону Праваслаўя і РПЦ. Так што я пра ўсё гэта кажу, толькі што можа ў блогу на НН пакуль не дайшла справа. Ня усё адразу. Тым больш, што пажадана б было падыйсьці да гэтага больш грунтоўна, а не проста выказацца, як на мітынгу (так я ужо, паўтараю, выказваўся). Трэба пераасэнсаваць увесь гістарычны вопыт. Я, дарэчы, паабяцаў эпархіяльнаму савету нават кніжку напісаць на тэму “сергіянства” (так неафіцыйна называецца палітыка сэрвілізму царкоўнай герархіі ў савецкі час па імені сталінскага патрыярха Сергія). І што цікава, некаторыя мяне там патрымалі і нават прапанавалі сваю дапамогу. Толькі пры адной умове – што гэта будзе “для патомкаў”, а не зараз Яны ня столькі за мной не пагаджаюцца, колькі я ім перашкаджаю спакойна жыць. Трэба, маўляў, казаць.. але потым, потым.. калі нас ня будзе. І такая яшчэ рэч. Я не зьбіраюся нікому падпяваць. Я не люблю казаць агульнавядомыя рэчы, якія скажуць і без мяне. У адных колах гэта адны рэчы, у іншых – іншыя, нават супрацьлеглыя. Што тычыцца “чуждасьці” РПЦ для беларусаў, так няўжо Вы думаеце, што РПЦ бліжэй расейцу? Толькі таму, што яна РРРпц?:) І Вы пішыце: “Праваслаўе, безумоўна, блізкае Беларусі. Але ж нагадаю, што да рускіх папоў у нас былі свае”. Хто такія “свае”? Я Вам казаў ужо, што амаль усе “папы” ў Беларусі – мясцовыя. І казаў таксама, што яны “прарасейскія” у тым жа рэчышчы, што і “прарасейскі” увесь беларускі народ. Але ж народ Вы ня лічыце “чужым”? Вам горка за яго? А мне горка за “папоў”,царкоўную інстытуцыю і ўсё праваслаўе. Таму што з аднаго боку, Царква ня зводзіцца да інстытуцыі, з іншага - Царква не без яе. 2Істамбул у Канстанцінопал “калі чытаю вас прыгадваю сеансы прафілактыкі па выкліку мастацтвазнаўцаў "в штатском". А я калі чытаю Вас, то прыгадваю зусім блізкія падзеі – эпархіяльны савет і царкоўны суд. Аналягічна Вам “распякалі”. Толькі што з папраўкай на рыторыку. “херархі хутка заткнулі вас разам з вашымі "прынцыпамі" і намерамі "клопату пра народ і служэньне яму" ў глыбокую д... і толькі дзякуючы НН вы маеце тут свабоду слова”. Вы супярэчыце самі сабе, калі прыводзіце мае цытаты з іншых публіцыстычных пляцовак і тут жа кажыце, што толькі дзякуючы НН я маю свабоду слова. Нават калі Вы маеце на ўвазе менавіта Беларусь, так беларусы актыўна карыстаюцца расейскімі крыніцамі. Як, бачу, і Вы Я сюды не напрасіўся – мне прапанавала весьці блог рэдакцыя. Пры гэтым я не раз пытаўся, можа я неяк не впісываюся. На што мне адказалі, што рэдакцыю задавальняе і ёсьць толькі адно пажаданьне – каб я не адчуваў ніякіх абмежаваньняў, казаў тое, што думаю. Зразумела, я вельмі цаню такое стаўленьне. Цаню і гэтую магчымасьць размаўляць непасрэдна з беларусамі. Ня гледзячы на тое, што сустракаю тут далёка не авацыі, і гэта мне , паверце, каштуе не так танна. Цяжка бывае на сэрцы, тым больш яно поўнасьцю адкрытае для Вас. Пры гэтым Вы мяне абвінавачваеце ў нейкім гіпэр-лукаўстве. Між тым наўрад Вы часта сустрэнеце, каб хто так прама і шчыра казаў, што думае. Мне здаецца з такой нянавісьцю і нежаданьнем зразумець і пачуць іншага чалавека наўрад пабудуеш нешта добрае для свайго народу. Дарэчы, у свабоды слова, як вядома, ёсьць другая старана – ніхто не прымушае Вас кагосьці і штосьці чытаць.
0
Аляксандар Шрамко / адказаць
27.11.2007 / 03:42
да U-1962 Хм... Можа й была такая карцінка.. Хто ведае:) Вось толькі мне заўсёды дзіўна, калі і як гэта людзі пасьпяваюць усё такое пабачыць.. Я вось у царкве з 70-х гадоў, сьвятар 13 гадоў, а такога бачыць не прыходзілася. Шмат, праўда, я не вандрую, але ж бываю ў той жа Маскве. Сустракаецца такое, што папы перабіраюць, але каб ў такім свінячым выглядзе.. гэта, шчыра кажучы, ня бачыў. Можа ўсё ж ёсьць надзея, што ў нас тут трошкі іншая Царква, не “кацапская”? А вот што тычыцца словаў, то так… гэта часта прыходзіцца чуць. Але.. гэта ж ня толькі з маскальскага боку. Вам не прыходзілася размаўляць з праваслаўнымі сьвятарамі з Польшчы? Яны Вам пра рымскага папу і пра католікаў можа яшчэ горш скажуць. Ва ўсякім разе ў Беларусі папы да каталікоў ставяцца нашмат менш варожа. Можа таму, што менш сутыкаюцца. Я нават размаўляў з віцебскімі бацюшкамі, яны былі вельмі задаволеныя, што ў іх паявіліся ксендзы ў горадзе. Чаму? Скажу, але, думаю, не паверыце. Ксяндзы больш упарта раскручваюць на ахвяраваньні. Ну а праваслаўныя глядзяць на каталікоў і таксама больш грошай у царкву нясуць. Дарэчы… калі ужо пайшла гаворка. Я не асуджаю каталікоў, але тое, што “праваслаўныя папы нажываюцца” гэта далёка не ўнівэрсальная ісьціна. У вёсцы сьвятары, бывае, проста галадаюць. Перабіваюцца на сельскай гаспадарцы, каб пракарміць большасьцю вялікую сям’ю. У мяне быў у самым пачатку сьвятарскага служэньня такі выпадак. Мяне накіравалі служыць ў Азярцо. Вы ведаеце, напэўна, там музэй вядомы. Мне трэба было сустрэцца са старастай, які жыве у вёсцы далей, куды ня ўсе аўтобусы даходзяць. Прыходзіцца тады некалькі кілямэтраў ісьці пешкі. Вось я так і пайшоў. Побач са мной жанчына ідзе. Дай, думаю, спытаю.. што і як тут людзі думаюць наконт царквы, які рэлігійны ўзровень і г. д. Аказалася, што жанчына з Волчкавіч, дзее большасьцю жывуць католікі. Зразумела, я ёй сказаў, што я праваслаўны сьвятар, што прыехаў першы раз на прыход.. І раптам яна мне кажа: “Вы абманваеце.. Вы не сьвятар..” – “Чаму?”- “Таму што мяне не абманіш.. я добра ведаю, што сьвятар пешкі ня ходзіць.. Вось у нас ксёндз заўсёды толькі на машыне”. Вось.. А навогул, я адчуваю, мы б зразумелі адзін аднаго. Таму запрашаю, калі пажадаеце, можна мне напісаць shramko(сабака)tut.by. Ну і ад усіх рады буду атрымаць лісты. Але давайце ўсё ж размаўляць неяк памяркоўнай. Усё ж мы беларусы якія-ніякія:)
0
Куды вяла і вядзе РПЦ? / адказаць
27.11.2007 / 13:09
сп.Шрамко сам хоча выказвацца публічна а сваім апанетам прапануе або " не чытаць" (свабода слова для Шрамко? свабода маўчаньня для іншых?) ягоную прыхаваную апалогію РПЦ або каналізаваць палеміку ў прыватную перапіску. Гэта ёсьць не што іншае, як спосаб нейтралізацыі, выдаленьня нязгодных іншадумцаў з публічнага поля. Тут ужо заўважалася выкарыстаньне лукавых прыёмаў візантыйскай дыпляматыі. Дэмакратычную пазыцыю НН усяляк вітаем. Зьяўленьне на сайтах НН адстаўнога клірыка РПЦ - ёсьць нармальная палітыка нацыянальнага інтэрнэт-партала. Але неадназначныя, на мой пагляд, двухсэнсоўныя публікацыі сп.Шрамко выклікаюць натуральныя пярэчаньні. Большасьць з нас не ёсьць пазбаўленая рацыянальнасьці праваслаўніцкая маса, якая можа праглынуць усё, што ёй у рот пакладуць. Бог даў нам розум,каб ім карыстацца. Я заўважыў, што сп.Шрамко перакручвае, адводзіць вострыя пытаньні ад сябе або дае няшчырыя адказы. Такая палеміка губляе сэнс. Вось прыклад: "зараз дыктатура яго(народ) не вядзе, а проста спэкулюе на ягонай псыхалёгіі" Выходзіць, па вашаму, што народ вядзе дыктатуру? Ну калі ўжо народ па сваёй псіхалогіі дыктатар (а гэта бывае), то куды ж прывялі яго бізантыйцы?" Тут ёсьць пытаньне пра пачаткі і канцы, пра адказнасьць расейскага праваслаўніцтва (і наагул бізантыйскай артадоксіі) за маральна-этычны стан і сацыяльна-палітычную мэнтальнасьць насельніцтва Расеі,Румыніі,Грэцыі,Рэспублікі Беларусь(якая па-сутнасьці і не рэспубліка, а манархія,або кланавая дыктатура). Тут без аналізу і вызначэньня рухавікоў русіфікацыі не абыйдземся . Як бы каму не хацелася замыліць імёны пасьлядоўнікаў ката Мураўёва і царскага шпега Георгія Каніскага, вуніята Семашко (дарэчы украінцаў па паходжаньні) і літвіна Сітняновіча (Полацкага). Усе яны розных нацыяў, але аднолькава расейскія сатэліты і манархісты на глебе праваслаўніцтва. Вось чаму нашы патрыёты маюць грунтоўныя падставы ставіцца да РПЦ як да ідэалагічнага інструмэнта імпэрскай палітыкі Расеі. "усе “папы” ў Беларусі – мясцовыя. яны “прарасейскія” у тым жа рэчышчы, што і “прарасейскі” увесь беларускі народ." А хто ж нам выкапаў "прарасейскае рэчышча" ? - вы здольны без лукаўства адказаць на гэтае пытаньне сп.Шрамко? Я пакідаю на вашым сумленьні паклёпніцкую тэзу, што "прарасейскі увесь беларускі народ". Наша нацыянальнае вызваленьне прыйдзе толькі тады калі вызвалімся ад русіфікатараў у расах. Пра тое, што ёсьць для нас РПЦ учора,сёньня,заўтра дыскутаваць будзем. Сумневу няма.
0
Гісторык царквы / адказаць
28.11.2007 / 11:03
U-1962 напісаў *Але ж нагадаю, што да рускіх папоў у нас былі свае. Калі Менская япархія створаная? Нагадаць ці самі ведаеце? Ці можа Яфрасіньня Полацкая, Кірыла Тураўскі ды іншыя нашыя сьвятыя мелі нейкае дачыненьне да РПЦ?* Менская праваслаўная епархія (ці лепей сказаць Менская епархія грэцкага неўніяцкага абраду) была створаная ў 1793 г. урадам Кацярыны ІІ. Вы, відаць, мелі на ўвазе Полацкую епархію, заснаваную ў 992 г. Трэба быць асьцярожней з фактамі, калі падмацоўваеце свой пункт гледжаньня. Але ў астатнім я з Вамі згодны.
0
пытаньне / адказаць
28.11.2007 / 16:04
http://churchby.info/rus/news/2007/11/27-2/ http://www.portal-credo.ru/site/?act=news&id=58640&topic=38 Шаноўны ойча, як Вы лічаце. гэтыя артыкулы на сайце churchby.info і на партале - Крэда ці не зьяўляецца перакладам на расейскую артыкулу пра Ізяслава з сайту НН? "Свайго" там толькі апошні абзац і перакручанае месца нараджэньня Бруцкага -- столІнскі раён -- гэта Берасьцейская вобласьць.
0
Burbalka / адказаць
30.11.2007 / 02:07
Эмацыйная тут публіка сабралася. І галоўная арыгінальная, як што, адразу вылучае ананімныя абвінавачванні то ў тым, то ў сім. Не ведаю, ці будзе карысць беларусам ад гэтых артыкулаў, але царкве беларускай будзе. Часам мне я з жахам разумею, што ўся нашая гіерархія нават у асобе сваіх найгоршых прадстаўнікоў - больш "умяняемая" :-)
0
U-1962 / адказаць
30.11.2007 / 03:07
"І Вы пішыце: “Праваслаўе, безумоўна, блізкае Беларусі. Але ж нагадаю, што да рускіх папоў у нас былі свае”. Хто такія “свае”? Я Вам казаў ужо, што амаль усе “папы” ў Беларусі – мясцовыя."... Ня ўсе. Нашых пасылаюць у парафіі Навасыюбірска, Калінінграда, Белгарад. Даць прозьвішчы? А да нас -- як у Івацэвічы ці Кобрынь, праўдзівых кацапскіх імпэрцаў з ... зьвілінамі... А Гісторык Царквы мне такое адказаў: "U-1962 напісаў *Але ж нагадаю, што да рускіх папоў у нас былі свае. Калі Менская япархія створаная? Нагадаць ці самі ведаеце? Ці можа Яфрасіньня Полацкая, Кірыла Тураўскі ды іншыя нашыя сьвятыя мелі нейкае дачыненьне да РПЦ?" "Менская праваслаўная епархія (ці лепей сказаць Менская епархія грэцкага неўніяцкага абраду) была створаная ў 1793 г. урадам Кацярыны ІІ. Вы, відаць, мелі на ўвазе Полацкую епархію, заснаваную ў 992 г." Усё слушна. Але заўвага: у 992 годзе падзелу (фармальнага) на Праваслаўе і Каталіцызм не было. Не 1054 год. Менская япархія ТАК ЗВАНАГА І САМАНАЗВАНАГА Рускага праваслаўнага Сыноду зьявілася ў 1797 годзе. А то да кацапаў у нас праваслаў'я не было! Не было, празўда? Наконт астатняга. У вашых РПЦ-шнікаў увесь час падмена паняцьцяў -- РПЦ і "проста праваслаўныя". Лаўрэнці Зізаній (у вас такіх вывучаюць?) -- "проста праваслаўны"? А чаму тады схізматыкі-маскалі яго, нашага віленскага арцыбіскупа праваслаўнага, не дапускалі з іхнія раскольныя з 1444 г. кацапская царквы? А? Працытаваць "чаму"? Дык Вам, як "праваслаўнаму", сорамрна стане... Зразумеце, я ня супраць праваслаў'я. Тата -- каталік, маці прававлаўная, але яна з вуніяцкае ўкраінскае вёскі. Я супраць таго, каб нам пад выглядам "праваслаў'я" несьлі чалавеканенавісьніцтва, антыхрысьціянскую агрэсыю і ФСБ-шнае нэасергіянства РПЦ. Гэта (РПЦ), я абсалютна перакананы, НЕ РЭЛІГІЯ І НЕ ХРЫСЬЦІЯНСТВА. Гэта -- імпэрская чалавеканенавісьніцкая ідэялёгія. І яшчэ. Калі не даецё веры наконт карупцыі (колькі каштуе парафія ў Маскве, як "Кцітар-1" і "2" абыходзіць падаткі, падрабязнасьці наконт сьпірту і асабліва гандлю праз аўтасалёны патрыманымі аўто) -- калі ласка, праз аднаго беларускамоўнага "бацюшку", майго добрага знраёмага і шчырага беларускага патрыёта можам парацумецісь. БАМЦ, Украіна. Вам такое падыходзіць? Ці за такі ліст і згоду на яго ад царквы адлучаць, як Сьценьку Разіна і Ільва Талстога? З павагай - Ул.
0
Партызан / адказаць
01.12.2007 / 16:00
Магу засьведчыць: карупцыя (сіманія) прысутна ня толькі ў РПЦ, а і, прабачце, хачу быць сумленным, у УГКЦ (грэка-каталікі), УПЦ КП і УАПЦ. У БАПЦ і БГКЦ яна б таксама існавала,нажаль, будзь там прысутна больш вернікаў і, галоўная гіерархаў з сьвятарамі. Зноў прапаную і сп.Шрамко, і шанавальнікам беларускага праваслаўя (як і вуніяцтва), зьвярнуцца не толькі да гісторыі, а і да АБРАДАВАСЬЦІ. Ну давайце сп. Шрамко прадыскутуем аб наяўнасьці трапара трэцяй гадзіны ў тэксьце сьв.літургіі, якія ўжываліся на тэрыторыі Беларусі аж да пачатку ХІХ ст.! Не было трапара! А параўнаем Канон сьв. Мікалаю, што сьпяваўся ў чацьвер на ранішняй, з расейскім!? А цяпер пытаньня: Ці магчыма гэта ўсё павярнуць пад уладай РПЦ?
0
Чым дальш у лес,тым цікавей! / адказаць
01.12.2007 / 23:27
Але сп.Шрамко, здаецца, перакульвае рэальнасьць і безпадстаўна, штучна драматызуе сваё права выказвацца, прынамсі ў сеціве.Вядома, што якраз РПЦшнае начальства забараніла а.Шрамко свабоду выказваньняў ў Інтэрнэце, запатрабаваўшы ад яго вырачэння ад сайту і дзёньнікаў. Аднак пакараны за непаслушэнства клірык па-ранейшаму любіць РПЦ. Ну што ж, такая злосная любоў, бывае любяць і казлоў . Тым больш, хворых і сацыяльна блізкіх народу. Праўда апошняе выклікае непазбежныя пытаньні: 1) хто каго ўзнагародзіў вірусам, што такая эпідэмія распаўсюдзілася - усе татальна хварэюць? 2) якая можа быць сацыяльная блізкасць паміж рэлігійнай арганізацыяй РПЦ , з магутным банкаўскім капіталам у мільёнах даляраў(чытай дасьледваньні Мітрохіна) і абсалютнай большасьцю абкрадзенага насельніцтва, паміж уладальнікамі камэрцыйных фірмаў, тэлевізійных каналаў , каласальнай нерухомасьці і згалелымі пэнсіянэрамі, якіх чакае яшчэ большая галеча пад покрывам "доминирующего православия" ?
0
Якуб Лапатка / адказаць
02.12.2007 / 16:56
А што такое царква, як інстытут, наогул? На маю думку ўсе гэтыя пастыры -- ад сбвятара да патрыярха, ад ксяндза да папы -- гэта служачыя нарыхтоўчай канторы, якая нарыхтоўвае для сябе грошы, калі не сказаць мафія, якая нажываецца на веры людзей. Няго ўсе тыя шыкоўныя убраньні ды строі, заблытаная абраднасьць, раскошныя храмы адпавядаюць вобразу бядняка, самага сьціплага чалавека -- Хрыста. Няўжо на гандлюючай тытунём ды гарэлкай царкве болей божай благадаці, чым на сьціплай бабульцы, якая нясе ў царкву апошія грошы дзеля памінаньня нябожчыка-дзеда? Як разумець той гандаль у сьценах царквы? Хіба ж не Хрыстос выгнаў гандляроў з храма? Думаю, што Хрыстос -- гэта антыпод сучасным сьвятарам, якія прысабечылі права размаўляць з богам толькі празь іх. І ці не зачаста сьвятыя айцы любой царквы зь вяршыняў нябесных лезуць у справы зямныя? Вера ў Госпада-- гэта адно, а царква не мае ніякага дачыненьня да чысьціні гэтай веры, гэта зусім іншае.
0
Burbalka / адказаць
04.12.2007 / 14:05
2 Партызан Дыскусія пра трапар трэцяй гадзіны ва ўсё ў тэме "Патрэбная нам аўтакефалія" ідзе. А вы дзе?
Каб пакінуць каментар, калі ласка, актывуйце JavaScript у наладах свайго браўзера