Цэны на Камароўцы на гэтым тыдні
У аўторак, 15 ліпеня, на сезонным рынку на Камароўцы ў Мінску былі наступныя кошты на гародніну.
Кілаграм гуркоў — у сярэднім 13 тыс. рублёў, памідораў — 18 тыс. Капуста каштуе 6 тыс. рублёў за кілаграм, пекінку можна адшукаць за 6—7 тыс. рублёў, а вось квяцістая капуста значна даражэйшая — каля 19 тыс. Бульбу можна набыць па цэнах пачынаючы ад 6 тыс. Кроп і пятрушка каштуюць амаль аднолькава — у сярэднім па 8 тыс. рублёў за пучок. Цана на маладую моркву і перцы складае 14 і 18 тыс. адпаведна.
Што датычыць грыбоў, то за літр лісічак просяць недзе 25 тыс. рублёў, за 1 кг шампіньёнаў — 30—35 тыс.
Усталяваліся наступныя цэны на садавіну.
Кавун можна набыць ад 7 да 10 тыс. за кілаграм, дыню — за 25 тыс. Кілаграм нектарынаў або персікаў каштуе ў сярэднім 35 тыс. рублёў, абрыкосы можна набыць і за 25 тыс. Лімоны — па 30 тыс. рублёў за кілаграм. Кілаграм бананаў, сліў і вінаграду каштуе ў сярэднім 14, 27 і 30 тыс. адпаведна. Кошт чарэшань працягвае трымацца на 45—55 тыс. Вішні прадаюць па 35—40 тыс. за кілаграм.
Паўлітра чарніц можна знайсці па 25 тыс., малінаў — 20 тыс. рублёў.
