Nokia прэзентавала танныя смартфоны лінейкі Asha і флагманскі Lumia 1520
Фінская кампанія Nokia анансавала свае новыя смартфоны. Як паведамляе The Next Web, брэнд прэзентаваў тры прылады лінейкі Asha і флагманскі Lumia 1520. Прэзентацыя праходзіла ў Абу-Дабі (ААЭ).
Бюджэтныя смартфоны серыі Asha з'явяцца ў продажы ў чацвёртым квартале. Яны будуць прадстаўлены ў некалькіх каляровых рашэннях, у тым ліку ў чырвоным, зялёным і жоўтым.
Asha 500 абсталявана 2,8-цалевым экранам і 2-мегапіксельнай камерай. Заяўленая распрацоўшчыкам цана смартфона складае $69.
Asha 502 абсталявана 3-цалевым экранам, 5-мегапіксельнай камерай і LED-успышкай. Яна будзе каштаваць ад $89.
Asha 503 абсталявана 3-цалевым дысплеем, 5-мегапіксельнай камерай, LED-успышкай. Смартфон падтрымлівае злучэнне 3,5G. Рэкамендаваная Nokia цана складае $99.
Што тычыцца Lumia 1520, то гэты флагманскі смартфон абсталяваны 6-цалевым дысплеем, чатырох'ядравым працэсарам Qualcomm Snapdragon 800, 20-мегапіксельнай камерай, 2 Гб аператыўнай і 32 Гб унутранай памяці. Працуе прылада на Windows Phone 8. Паведамляецца, што каштаваць будзе ад $738.