Знайсці
01.10.2013 / 18:071РусŁacБел

Амерыканцы стварылі кантраляваны мозгам пратэз нагі

Навукоўцы з Інстытута рэабілітацыі Чыкага зрабілі сапраўдны прарыў у пратэзаванні.

Яны першымі распрацавалі пратэз нагі, які кантралюецца сігналамі з мозга свайго носьбіта, паведамляе The New England Journal of Medicine.

Біянічная нага ў дзеянні

У адрозненне ад існуючых на сёння пратэзаў ніжніх канечнасцяў, біянічная нага з Чыкага валодае мабільнасцю сапраўднай нагі.

Карыстальнік пратэзу з лёгкасцю можа перасоўвацца па розных паверхнях, ісці па нахіленай плоскасці ці па прыступках. Пры гэтым ад носьбіта патрабуецца толькі падумаць пра належны рух.

Тэхналогіі, выкарыстаныя ў біянічнай назе чыкагскімі распрацоўшчыкамі, зусім не новыя.Падобным чынам працуюць высокатэхналагічныя пратэзы рукі.

Сэнсары пратэза здымаюць сігнал з цягліцаў, на якія «зымыкаюць» нервы пацыента, што раней праводзілі імпульсы ў ампутаваную частку нагі.

Атрыманыя сігналы апрацоўваюцца адмысловым праграмным забеспячэннем і запускаюць неабходныя рухавікі. 

Апісанне пратэза

Першым выпрабавальнікам біянічнай нагі стаў 31-гадовы праграміст Зэк Воўтэр. У інтэрв’ю NBC ён паведаміў, што змог падняцца на 130-ты паверх хмарачоса па лесвіцы.

Пакуль існуе толькі адзін асобнік пратэзу, які выкарыстоўваецца для выпрабаванняў. Цана магчымай серыйнай прылады пакуль невядомая.

Аднак паведамляецца, што грант у $8 мільёнаў для распрацоўкі біянічнага пратэзу нагі Інстытуту рэабілітацыі Чыкага выдзелілі ўзброеныя сілы ЗША.

Кірыла Хілько

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера