Абвешчаная Лукашэнкам мадэрнізацыя дае ідэальнае абгрунтаванне для паляпшэння адносінаў з Захадам
Лукашэнка прасіў 2 мільярды даляраў у Пуціна, бо сёлета Беларусь, як чакаецца, ізноў патраціць больш, чым заробіць. Аднак афіцыйнае тлумачэнне было: гэта на мадэрнізацыю эканомікі.Расія не дала. Пакуль патрабуе прыватызацыі. Што ж, можна будзе сказаць: мы не проста прыватызуем — мы паставілі ўмову мадэрнізацыі выторчасцяў.
Можна чакаць, што калі надарыцца патрэба папрасіць нешта ў МВФ ці Еўрасаюза, то чарговае паляпшэнне адносінаў таксама будзе тлумачыцца «мадэрнізацыяй». Не, мы не саступілі! Нам проста трэба новыя станкі!І да лёгкай прамысловасці трэба «западнікаў падключыць».
Еўрапейцам такое зацятае адстойванне ўласныхпіяр-канструкцый падаецца камічным. Але ў палітычным стылі Лукашэнкі яно тыповае.
Да мадэрнізацыі была такая ж гучная «праграма адраджэння сяла». Яна зводзілася да таго самага будавання калхозных домікаў, закупу новай тэхнікі і рэканструкцыі фермаў — тое самае рабілася і пры саветах. Эфект той самы — пры захаванні старой сістэмы адносінаў на вёсцы вялікія інвестыцыі даюць часовы эфект росту вытворчасці, але вёска працягвае хірэць, людзі співаюцца, а абноўленае абсталяванне хутка прыходзіць у заняпад праз нядбаласць мала зацікаўленых і несумленных работнікаў. У многіх гаспадарках не засталося мужчын
Што такое мадэрнізацыя, у тым сэнсе, пра які гаворыць Лукашэнка? Ды гэта звычайнае абнаўленне асноўных фондаў, якое праводзіцца ўсімі прадпрыемствамі на пастаяннай аснове. Выкінуць стары камп’ютар, паставіць лепшы. Спісаць зношаны станок, купіць новы. Гэта сто гадоў рабілася без барабаннага бою. А цяпер гэта завецца «мадэрнізацыяй».
Гэта прапагандысцкая кампанія, якая дае ідэальнае абгрунтаванне для атрымання новых крэдытаў, але таксама — чаму б не — паляпшэння адносінаў з Захадам. Фактычна, Лукашэнка чарговы падхапіў ідэю, якая нарадзіла апазіцыя і скарыстаў Брусэль.Яшчэ ў 2010 годзе ЕС прапаноўваў Беларусі дапамогу ў мадэрнізацыі, а з 2011 года быў запушчаны «Дыялог дзеля мадэрнізацыі», які аказаўся незапатрбаваны ўладамі.
І тут успамінаецца Кітай, які правёў свае рэформы з маўклівай падтрымкай ЗША і з выкарыстаннем амерыканскіх тэхналогій. Так, менавіта Захад з падачы Кісінджэра падставіў Кітаю плячо, як толькі пабачыў, што той увайшоў у канфлікт з Расіяй (тады яна называлася СССР). Дэн Сяапін тое выкарыстаў, так і пачаўся «кітайскі эканамічны цуд», якога Захад цяпер ужо трохі пабойваецца, але, адначасова, спадзяецца на поўнае далучэнне Кітая да заходняга лагера, на ўзор Японіі і Паўднёвай Карэі.
Мадэрнізацыя Кітая была паспяховай, бо суправаджалася зменай сістэмы каштоўнасцяў і эканамічных адносін.Кітай распусціў калгасы і падзяліў зямлю між сялянамі. Там паявілася прыватная ўласнасць і багатыя. Кітай прапусціў тысячы студэнтаў праз перадавыя амерыканскія ўніверсітэты. Цяперашнія прэм’ер і
У адрозненне ад Кітая, Беларусь для Захаду малаважная, і патрэбная моцная воля самой Беларусі, каб дабіцца заходняй падтрымкі.
ЗША інвеставала агромныя сродкі ў мадэрнізацыю Турцыі, Грузіі, Польшчы, бо самі туркі, грузіны, палякі хацелі гэтага. Вынік ёсць.Украіна мела такі ж шанец, але клептаманская нізкавокасць элітаў падкасіла гэтую краіну.
Бяда ў тым, што мы пры гэтай сістэме вечна ў цесным праліве. Нам вечна пазарэз трэба крэдыты. Сёння трэба!Беларусі заходнікі не абяцаюць крэдытаў тут і цяпер. Па крэдыты — гэта да Пуціна, калі ласка, кажуць яны. Захад дае сістэму каштоўнасцяў, але, калі краіна падключаецца да яе, яна атрымлівае выхад на вялікі рынак і доступ да рынку таннага капіталу.
Абвешчаная ж у Беларусі «мадэрнізацыя» — пакуль толькіпіяр-канструкцыя , якую можна напоўніць самым розным зместам.