Знайсці
10.02.2013 / 15:334РусŁacБел

Чытач: пояс за 3,5 мільёна рэальна варты такіх грошай

Водгук на артыкул «Беларускі пояс за 3,5 мільёна».

Сам тку паясы. Даўно. І прадаю іх. Тку па той самай тэхналогіі, па якой зроблены гэты. Існуе сістэма разліку кошту. У кожным поясе ёсць арнаментальныя ніці. Гэта тыя, што маюць колер, у адрозненьне ад нітак асновы. І кошт залежыць ад таго, колькі іх. Чым іх больш — тым пояс шырэйшы.

Адну такую нітку лічаць прыблізна за 2,5 даляры, калі яе даўжыня буде каля трох метраў. Таму, калі ўзорных нітак будзе дзесяць, то трохметровы пояс будзе каштаваць 25 даляраў, больш за дзвесьце тысячаў.
Шырыня пояса з дзесяцьцю арнаментальнымі ніткамі — каля сантыметра. Цяпер паглядзіце на гэты.
Шырыня — 8 сантыметраў, напісана. Арнаментальных нітак каля сотні.
ТАМУ ЁН І БУДЗЕ СТОЛЬКІ КАШТАВАЦЬ. Плюс нацэнка крамы.
Вы не ўявіце, які гэта аб’ём работы — зрабіць такі пояс, калі не паспрабуеце выткаць нават маленькі. Гэта амаль як выткаць сапраўдны ручнік на кроснах.
Вось пра іх ніхто не здзіўляецца, чаму яны па 400 даляраў. Прычым зроблена гэта прафесійна. Я разумею здзіўленне аўтара, але трэба проста ўяўляць, колькі каштуе сапраўдная праца. Для ранішніка можна знайсці і вузейшы паясок, замовіць майстру за не такія вялікія грошы. А гэта — цэлы велізарны твор. Можна прыдрацца да колераў, але ўсё астатняе абсалютна па-майстроўску зроблена. Таму прычынаў абурацца няма.
Гэта тое самае, што шукаючы якую-небудзь шаблю для дзіцёнка, каб ён сыграў пірата на ранішніку, знайсці сапраўдны сталёвы меч з інкруставаным лязом і разною ручкаю і здзіўляцца, што ён такі дарагі.
Проста гэта рэальна дорага.

Андрэй, з каментаў на NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера