Домрачава абвергла чуткі пра раман з Оле-Эйнарам Б'ёрндаленам

Беларуская біятланістка Дар’я Домрачава на сваёй старонцы «Вконтакте» абвергла чуткі пра стасункі з нарвежскім біятланістам Оле-Эйнарам Б’ёрндаленам.

Я не прыхільнік таго, каб прыватнае жыццё станавілася здабыткам грамадскасці, але ў сувязі з хваляй разнастайных чутак, думаю, варта ўнесці яснасць.

Афіцыйнай інфармацыяй пра маё асабістае жыццё будзе толькі паведамленне пра маё замужжа. З кім бы то ні было.

Усё астатняе — чуткі, якія не бачу сэнсу каментаваць.

Зараз я сканцэнтравана на падрыхтоўцы да чэмпіянату свету і не хацела б больш канцэнтравацца на абмеркаванне гэтай тэмы, — напісала біятланістка.